ഇസ്ലാമാബാദ്: പാകിസ്ഥാന്‍ മുന്‍ പ്രസിഡന്റ് പര്‍വേസ് മുഷറഫിന് വധശിക്ഷ. രാജ്യദ്രോഹക്കുറ്റം ശരിവെച്ചാണ് പ്രത്യേക കോടതി വധശിക്ഷ വിധിച്ചത്.
2013ല്‍ അന്നത്തെ നവാസ് ഷെരീഫ് സര്‍ക്കാരാണ് പര്‍വേസ് മുഷറഫിന്മേല്‍ രാജ്യദ്രോഹക്കുറ്റം ചുമത്തിയത്. 2007ല്‍ അടിയന്തരാവസ്ഥ പ്രഖ്യാപിച്ചതുമായി ബന്ധപ്പെട്ട കേസിലാണ് പര്‍വേസ് മുഷറഫിന്മേല്‍ നവാസ് ഷെരീഫ് സര്‍ക്കാര്‍ രാജ്യദ്രോഹക്കുറ്റം ചുമത്തിയത്. 2014ലാണ് പര്‍വേസ് മുഷറഫിനെതിരെ കുറ്റം ചുമത്തിയത്.
അതേസമയം പര്‍വേസ് മുഷറഫിന് വധശിക്ഷ വിധിക്കുന്നതിനെ ഇമ്രാന്‍ഖാന്‍ സര്‍ക്കാര്‍ കോടതിയില്‍ എതിര്‍ത്തു. വിധിയില്‍ ഭേദഗതി വരുത്തണമെന്ന് തെഹ്‌രിക് ഇ ഇന്‍സാഫ് സര്‍ക്കാര്‍ കോടതിയോട് അഭ്യര്‍ത്ഥിച്ചു.
ദുബായിലാണ് പര്‍വേസ് മുഷറഫ് ഇപ്പോള്‍ താമസിക്കുന്നത്. 1999 മുതല്‍ 2008 വരെ പാകിസ്ഥാന്‍ പ്രഡിഡന്റായിരുന്നു പര്‍വേസ് മുഷറഫ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates