പാരീസ്: പാരീസ് കാലവസ്ഥ ഉടമ്പടിയില്‍ നിന്ന് പിന്‍മാറുന്നുവെന്ന നിലപാടില്‍  മാറ്റത്തിന്റെ സൂചന നല്‍കി അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. ഫ്രഞ്ച് പ്രസിഡന്റ് ഇമ്മാനുവല്‍ മാക്രോണുമായി നടത്തിയ ചര്‍ച്ചകള്‍ക്ക് ശേഷമാണ് നിലപാടില്‍ മലക്കം മറിച്ചില്‍ സൂചിപ്പിച്ച് ട്രംപ് സംസാരിച്ചത്. എന്നാല്‍ ഇക്കാര്യത്തില്‍ കൂടുതല്‍ വിശദീകരണങ്ങള്‍ക്ക് ട്രംപ് തയ്യാറായില്ല. 

പാരിസ് ഉടമ്പടിയുമായി ബന്ധപ്പെട്ട് എന്തെങ്കിലും സംഭവിക്കുമെന്നും എന്താണ് സംഭവിക്കുന്നതെന്ന് കാത്തിരുന്നു കാണാം എന്നുമായിരുന്നു ട്രംപിന്റെ വാക്കുകള്‍.പാരിസ് കാലാവസ്ഥാ ഉടമ്പടിയില്‍നിന്നു അമേരിക്ക പിന്മാറിയാലും ഉടമ്പടിയില്‍ ഉറച്ചുനില്‍ക്കുമെന്നു അടുത്തിടെ സമാപിച്ച ജി20 ഉച്ചകോടിയില്‍ 18 അംഗരാജ്യങ്ങളും യൂറോപ്യന്‍യൂണിയനും വ്യക്തമാക്കിയിരുന്നു. കാലാവസ്ഥ ഉടമ്പടി അമേരിക്കന്‍ രാജ്യ താത്പര്യങ്ങള്‍ക്ക് വിരുദ്ധമാണ് എന്നായിരുന്നു ട്രംപിന്റെ നിലപാട്.