ഭാര്യയുടെ ജന്മദിനം ആഘോഷിക്കാന്‍ കടലില്‍പ്പോയ ബ്രിട്ടീഷ് വിനോദ സഞ്ചാരിയെ സ്രാവ് ഭക്ഷണമാക്കി. ഇഡിങ്ബര്‍ഗില്‍ നിന്നുള്ള സര്‍ക്കാര്‍ ഉദ്യോഗസ്ഥനായ റിച്ചാര്‍ഡ് മാര്‍ട്ടിന്‍ ട്യൂര്‍ണറിനാണ് ദാരുണാന്ത്യം സംഭവിച്ചത്.
ഭാര്യയുടെ നാല്‍പ്പതാം ജന്മദിനം ആഘോഷിക്കാനാണ് ഇദ്ദേഹം ഇന്ത്യന്‍ മഹാസമുദ്രത്തിലെ ഒരു ദ്വീപിലെത്തിയത്. കടലില്‍ നീന്താനിറങ്ങിയ ഇദ്ദേഹത്തെ കാണാതാവുകയായിരുന്നു.
പിന്നീട് ചത്ത ഒരു സ്രാവിന്റെ വയറ്റില്‍ നിന്ന് ഇയാളുടെ കയ്യും മറ്റ് ശരീര ഭാഗങ്ങളും കണ്ടെത്തി. ഈ സ്രാവിന് 13 അടി നീളമുണ്ടായിരുന്നു. കയ്യിലുണ്ടായിരുന്ന വെഡ്ഡിങ് റിങ് മനസ്സിലാക്കിയാണ് ഭാര്യ റിച്ചാര്‍ഡിന്റെ ശരിരാവശിഷ്ടങ്ങള്‍ തിരിച്ചറിഞ്ഞത്. ശരീര ഭാഗങ്ങള്‍ ഇയാളുടേതാണെന്ന് സ്ഥിരീകരിക്കാന്‍ ഡിഎന്‍എ ടെസ്റ്റ് നടത്തുമെന്ന് അധികൃതര്‍ വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates