ദുബായ്: രാജ്യം നിഷ്‌കര്‍ഷിക്കുന്ന വസ്ത്രധാരണച്ചട്ടം പാലിച്ചില്ലെങ്കില്‍ മൂന്ന് വര്‍ഷം വരെ തടവും നാടുകടത്തലും ശിക്ഷയെന്ന് യുഎഇ നിയമവൃത്തങ്ങള്‍.

ദുബായിയിലെ ഒരു ഷോപ്പിംഗ് മാളില്‍ അല്‍പവസ്ത്രം ധരിച്ചെത്തിയ വനിയയ്ക്ക്  സെക്യൂരിറ്റി ജീവനക്കാരന്‍ ശരീരം മറയ്ക്കുന്ന അബായ നല്‍കിയത് ട്വിറ്ററില്‍ വന്‍ ചര്‍ച്ചയായിരുന്നു. തുടര്‍ന്നാണ് വിശദികരണം.

ചട്ടം പാലിച്ചുള്ള വസ്ത്രം ധരിച്ച് മാത്രമെ മാളുകളില്‍ എത്താവൂ എന്ന മുന്നറിയിപ്പ് പലമാളുകളിലുമുണ്ട്.രാജ്യത്തെ ഔദ്യോഗിക വെബ്‌സൈറ്റുകളിലും ഇക്കാര്യം വ്യക്തമാക്കിയിട്ടുണ്ട്. നിയമം പുരുഷന്‍മാര്‍ക്കും ബാധകമാണ്.