മെക്‌സിക്കോ സിറ്റി: 97 യാത്രക്കാരുമായി പറന്നുയര്‍ന്ന വിമാനം മിനുട്ടുകള്‍ക്കുള്ളില്‍ തകര്‍ന്നു വീണ് 85 പേര്‍ക്ക് പരുക്ക്. ആളപായമുണ്ടായതായി റിപ്പോര്‍ട്ടില്ല. വിക്ടോറിയ അന്താരാഷ്ട്ര വിമാനത്താവളത്തില്‍ നിന്ന് പറന്നുയര്‍ന്ന് മിനുട്ടുകള്‍ക്കകമാണ് വിമാനം തകര്‍ന്നു വീണത്. 

എയറോ മെക്‌സിക്കോ എ.എം2431 എന്ന വിമാനമാണ് അപകടത്തില്‍പ്പെട്ടത്. 97 യാത്രക്കാരും നാല് കേബിന്‍ ക്രൂ അംഗങ്ങളുമടക്കം 101പേരാണ് സംഭവ സമയത്ത് വിമാനത്തിലുണ്ടായിരുന്നത്. ടേക്ക് ഓഫിനു പിന്നാലെ സമീപത്തെ തരിശുഭൂമിയിലേക്കാണ് വിമാനം തകര്‍ന്നു വീണത്.