ടെഹ്‌റാന്‍: യാത്രക്കാരുമായുള്ള വിമാനം റണ്‍വെയില്‍ നിന്ന് തെന്നിമാറി നിന്നത് നഗരമധ്യത്തില്‍. ഇറാനിലെ കാസ്പിയന്‍ എയര്‍ലൈന്‍സിന്റെ 6936 വിമാനമാണ് അത്ഭുതകരമായി വന്‍ അപകടത്തില്‍ നിന്ന് രക്ഷപ്പെട്ടത്. ഇന്ന് രാവിലെ തെഹ്‌റാന്‍ വിമാനത്താവളത്തില്‍ നിന്ന് പറന്നുയര്‍ന്ന വിമാനമാണ് മഹഷഹര്‍ നഗരത്തിലെ ദേശീയ പാതയില്‍ ഇറക്കിയത്.
നഗരമധ്യത്തില്‍ റോഡിന് കുറുകെ കിടക്കുന്ന വിമാനത്തിന്റെ വീഡിയോ സാമൂഹ്യമാധ്യമങ്ങളില്‍ വൈറലാണ്. തല്‍സമയം തന്നെ വിമാനത്തിലുണ്ടായിരുന്ന യാത്രക്കാരെ മാറ്റിയതായും വിമാനം വീണ നഗരത്തിലെ ആര്‍ക്കും പരിക്കേറ്റിട്ടില്ലെന്നുമാണ് വാര്‍ത്തകള്‍.
നഗരമധ്യത്തില്‍ വീണ വിമാനത്തിന് വലിയ കേടുപാടുകള്‍ സംഭവിച്ചിട്ടില്ല. വീണ സ്ഥലത്തും കാര്യമായ നാശനഷ്ടങ്ങള്‍ വീഡിയോയില്‍ കാണുന്നില്ല. വിമാനത്തില്‍ നിന്ന് യാത്രക്കാരെ ഇറക്കുന്നതും വീഡിയോയില്‍ കാണാം. വിമാനത്തിന് തീപിടിച്ചിട്ടില്ലെന്നും യാത്രക്കാര്‍ക്ക് ആര്‍ക്കും പരിക്കേറ്റിട്ടില്ലെന്നും എയര്‍പോര്‍്ട്ട് മാനേജിങ് ഡയറക്ടര്‍ പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates