മോസ്ക്കോ: റഷ്യൻ പ്രസിഡന്റ് വ്ലാഡിമിർ പുടിൻ വീണ്ടും വാഹിതനാകാനൊരുങ്ങുന്നതായി സൂചന. മോസ്ക്കോയിൽ വാർഷിക വാർത്താ സമ്മേളനത്തിനിടെ പുടിൻ തന്നെയാണ് ഇക്കാര്യം വെളിപ്പെടുത്തിയത്. 66 കാരനായ പുടിൻ 35 കാരിയായ മുൻ ജിംനാസ്റ്റിക്സ് താരം അലീന കബേവയെയാണ് വിവാഹം കഴിക്കാൻ ഒരുങ്ങുന്നത്.

എയർ ഹോസ്റ്റസായിരുന്ന ല്യൂഡ്മില പുടിനയെ 1983ലാണ് പുടിൻ വിവാഹം കഴിച്ചത്. 2013ൽ വിവാഹ മോചിതനായി. 30 വർഷം നീണ്ട ദാമ്പത്യത്തിനൊടുവിലാണ് ഇരുവരും വേർപിരിഞ്ഞത്. വിവാഹ ശേഷം ല്യൂഡ്മില ജോലി ചെയ്യണമെന്ന് പുടിൻ ആ​ഗ്ര​ഹിച്ചിരുന്നില്ല. പ്രഥമ വനിതയെന്ന സ്ഥാനം ല്യുഡ്മിലയും ആ​ഗ്രഹിച്ചിരുന്നില്ല. ഇതോടെ ബന്ധത്തിൽ ഉലച്ചിൽ സംഭവിച്ചു. പുടിന്റെ ജോലിയോടുള്ള അമിത താത്പര്യവും വേർപിരിയലിലേക്ക് നയിച്ചു. 

വിവാഹം കഴിക്കാനൊരുങ്ങുന്ന അലീന കബേവ ഉസ്ബെക്കിസ്ഥാനിലാണ് ജനിച്ചത്. ജിംനാസ്റ്റിക്സിൽ ഒളിംപിക് സ്വർണ ജേത്രി കൂടിയാണ് അലീന. പത്ത് വർഷത്തോളമായി ഇരുവരും പ്രണയത്തിലാണെന്നും റിപ്പോർട്ടുകളുണ്ട്.