റാസല്‍ഖൈമ: കോവിഡ് പ്രോട്ടോക്കോള്‍ ലംഘിച്ച് വിവാഹാഘോഷം നടത്തിയ നവവരന്‍ അറസ്റ്റില്‍. ഏഷ്യക്കാരനാണ് അറസ്റ്റിലായതെന്ന് പൊലീസ് പറഞ്ഞു. നിയമലംഘനത്തിന്റെ വിഡിയോ ഇയാള്‍ സമൂഹ മാധ്യമങ്ങളില്‍ പോസ്റ്റ് ചെയ്യുകയുമുണ്ടായി.
റാസല്‍ഖൈമയിലെ ഒരു ഹാളിലായിരുന്നു സാമൂഹിക അകലം പാലിക്കാതെയുള്ള ആഘോഷം. അറസ്റ്റിലായ ആളെ നിയമ നടപടികള്‍ സ്വീകരിക്കുന്നതിനായി ഫെഡറല്‍ പബ്ലിക് പ്രോസിക്യൂഷനിലെ അടിയന്തര നിവാരണ വിഭാഗത്തിന് കൈമാറി.
കഴിഞ്ഞ ദിവസം കോവിഡ് നിയമലംഘനത്തിന് റാസല്‍ഖൈമയിലെ തന്നെ വിവാഹ ഹാള്‍ സാമ്പത്തിക വിഭാഗം അടപ്പിച്ചിരുന്നു. കുറ്റക്കാര്‍ക്കെതിരെ
കനത്ത പിഴയും ചുമത്തി. എമിറേറ്റിലെ വിവാഹ ഹാളുകള്‍ക്ക് ജൂണ്‍ അവസാനമാണ് ശക്തമായ കോവിഡ് സുരക്ഷാ മുന്‍കരുതലുകള്‍ പാലിച്ച് തുറന്നുപ്രവര്‍ത്തിക്കാന്‍ അനുമതി നല്‍കിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates