രാജകീയ പദവികള്‍ വിട്ടൊഴിഞ്ഞ ഹാരി രാജകുമാരന് പാര്‍ട്ട് ടൈം ജോലി വാഗ്ദാനം. ബര്‍ഗര്‍ കിങ് ആണ് ഹാരി രാജകുമാരന് ജോലി വാഗ്ദാനവുമായി എത്തുന്നത്. സംഭവം വൈറലായി കഴിഞ്ഞു.

ഈ റോയല്‍ ഫാമിലി പാര്‍ട്ട് ടൈം ജോലികള്‍ ഓഫര്‍ ചെയ്യുന്നു എന്നാണ് ബര്‍ഗര്‍ കിങ്ങിന്റെ ട്വീറ്റ്. ബര്‍ഗര്‍ കിങ്ങിന്റെ ട്വീറ്റിനെ അനുകൂലിച്ചും, എതിര്‍ത്തും പ്രതികരണങ്ങള്‍ വരുന്നുണ്ട്.

ഈ സര്‍ക്കാസം കുറച്ച് കൂടി പോയെന്നാണ് ചലരുടെ വാദം. രാജകീയ ചുമതലകള്‍ മാത്രമാണ് ഉപേക്ഷിച്ചതെന്നും, വ്യക്തിത്വവും അഭിമാനവും ആര്‍ക്കും പണയപ്പെടുത്തിയിട്ടില്ലെന്നുമാണ് ബര്‍ഗര്‍ കിങ്ങിന് ട്വിറ്ററില്‍ ലഭിച്ച കമന്റുകളിലൊന്നില്‍ പറയുന്നത്.

കാനഡയില്‍ കഴിയുന്ന മകനൊപ്പം കൂടുതല്‍ സമയം ചിലവഴിക്കാനാണ് രാജകീയ പദവികള്‍ ഉപേക്ഷിച്ചതെന്നാണ് ഹാരിയും മേഗനും പ്രതികരിച്ചത്. സാമ്പത്തിക സ്വതന്ത്രരാവാന്‍ കൂടിയുള്ള ഇവരുടെ തീരുമാനത്തെ ബഹുമാനിക്കുന്നതായി എലിസബത്ത് രാഞ്ജിയും വ്യക്തമാക്കി.