സി​യൂ​ൾ: ദ​ക്ഷി​ണ കൊ​റി​യ​യെ പിടിച്ചുലച്ച ഒളികാമറ വിവാദത്തിൽ നാലുപേർ അറസ്റ്റിൽ. ഹോ​ട്ട​ലി​ൽ ഒ​ളി​കാ​മ​റ ഉ​പ​യോ​ഗി​ച്ച് അ​ശ്ലീ​ല ദൃ​ശ്യ​ങ്ങ​ൾ പ​ക​ർ​ത്തി ഓ​ൺ​ലൈ​ൻ ക​ച്ച​വ​ടം ന​ട​ത്തി​യ സംഭവത്തിലാണ് അറസ്റ്റ്. രാജ്യത്തെ 10 സിറ്റികളിലെ 30 ഓളം ഹോട്ടലുകളിൽ നിന്നായി, ഇവിടെ താമസിച്ചിരുന്ന 1,600 പേ​രു​ടെ ന​ഗ്ന​ദൃ​ശ്യ​ങ്ങ​ളാ​ണ്  പ​ക​ർ​ത്തി അ​ശ്ലീ​ല സൈ​റ്റി​ലൂ​ടെ പ്ര​ച​രി​പ്പി​ച്ച​ത്. 

ടി​വി, ഹെ​യ​ർ ഡ്ര​യ​ർ ഹോ​ൾ​ഡ​ർ, സോ​ക്ക​റ്റ് എ​ന്നി​വി​ട​ങ്ങ​ളി​ൽ അ​തീ​വ ര​ഹ​സ്യ​മാ​യി ചെ​റി​യ കാ​മ​റ​ക​ൾ ഘ​ടി​പ്പി​ച്ചാ​ണ് ദൃ​ശ്യ​ങ്ങ​ൾ പ​ക​ർ​ത്തി​യ​ത്. കൊ​റി​യ​യി​ലെ 10 ന​ഗ​ര​ങ്ങ​ളി​ലെ 32 ഹോ​ട്ട​ലു​ക​ളിലെ 42 റൂമുകളിൽ നിന്നാണ് പ്ര​തി​ക​ൾ ര​ഹ​സ്യ ചി​ത്ര​ങ്ങ​ൾ പ​ക​ർ​ത്തി​യ​ത്. ക​ഴി​ഞ്ഞ ഓ​ഗ​സ്റ്റി​ൽ ഇ​തി​നാ​യി 1 എം​എം ലെ​ൻ​സ് കാ​മ​റ​ക​ൾ പ്ര​തി​ക​ൾ ഈ ​ഹോ​ട്ട​ലു​ക​ളി​ൽ സ്ഥാ​പി​ച്ചു. നവംബർ മുതൽ വീഡിയോകൾ പകർത്താൻ തുടങ്ങിയിരുന്നു. 

ന​വം​ബ​റി​ൽ വെ​ബ്സൈ​റ്റ് ത​യാ​റാ​ക്കി. മു​പ്പ​ത് സെ​ക്ക​ൻ​ഡ് ദൃ​ശ്യ​ങ്ങ​ൾ സൗ​ജ​ന്യ​മാ​യി ന​ൽ​കി​യ ശേ​ഷം താ​ൽ​പ​ര്യ​പ്പെ​ടു​ന്ന​വ​ർ​ക്ക് പ​ണം സ്വീ​ക​രി​ച്ച് പൂ​ർ​ണ വീ​ഡി​യോ ന​ൽ​കു​ക​യാ​യി​രു​ന്നു രീ​തി. വെ​ബ്സൈ​റ്റി​ലൂ​ടെ 803 വീ​ഡി​യോ​ക​ളാ​ണ് പോ​സ്റ്റ് ചെ​യ്ത​ത്. ഇത്തരത്തിൽ പ്ര​തി​ക​ൾ 6,200 ഡോ​ള​ർ സ​മ്പാ​ദി​ച്ചുവെന്ന് പൊലീസ് കണ്ടെത്തി .കു​റ്റ​ക്കാ​രാ​ണെ​ന്ന് ക​ണ്ടെ​ത്തി​യാ​ൽ 10 വ​ർ​ഷം വ​രെ ത​ട​വ് ല​ഭി​ക്കാ​വു​ന്ന കു​റ്റ​മാ​ണ് പ്ര​തി​ക​ൾ​ക്കെ​തി​രെ ചു​മ​ത്തി​യി​രി​ക്കു​ന്ന​ത്.

കഴിഞ്ഞ ആഴ്ച ​ഗായകനും സീരിയൽ നടനുമായ ജുങ് യൂൻ യുങ് ഹോട്ടലിൽ വെച്ച് യുവതിയുമായി ലൈം​ഗിക ബന്ധത്തിൽ ഏർപ്പെട്ടെന്നും, ഇതിന്റെ വീഡിയോ രഹസ്യമായി ചിത്രീകരിച്ച് ഓൺലൈനിന് നൽകിയെന്നും യുങ് വെളിപ്പെടുത്തിയിരുന്നു. അതിഥികൾ അറിയാതെയാണ് ദൃശ്യങ്ങൾ പകർത്തിയിരുന്നതെന്നും, എന്നാൽ ഇക്കാര്യത്തിൽ ഹോട്ടലുകാർക്ക് അറിവുണ്ടായിരുന്നോ എന്ന് പരിശോധിച്ചു വരികയാണെന്നും പൊലീസ് അധികൃതർ വ്യക്തമാക്കി.