മൃഗങ്ങളൊരിക്കലും

മനുഷ്യനേപ്പോലെ

ഇണയെ പിണക്കാറില്ല ,

ഇഷ്ടപ്പെട്ട് കഷ്ടപ്പെടുത്താറില്ല,

ചിരിച്ചുകൊണ്ട് കരയിപ്പിക്കാറില്ല,

പുകഴ്ത്തിക്കൊണ്ട് പുച്ഛിക്കാറുമില്ല.

മൃഗങ്ങളൊരിക്കലും

മനുഷ്യനേപ്പോലെ

തലോടിക്കൊണ്ട് തള്ളിയിടാറില്ല,

കാലിൽതൊട്ട് കാലുവാരാറില്ല,

പ്രണയംനടിച്ച് പീഡിപ്പിക്കാറില്ല,

കറിക്കത്തികൊണ്ട് കുത്താറുമില്ല.

എന്നിട്ടും മനുഷ്യൻ്റെ ക്രൂരതയെ

വിവരിക്കാൻ 'മൃഗീയമായി'

എന്ന പദമെടുക്കുന്നത്

അല്പം മൃഗീയമല്ലെ.