എടപ്പാള്‍: 29 സെക്കന്റില്‍ മുറിച്ചത് 75 കൈതച്ചക്ക. അതും അതിസാഹസികമായി. ആനക്കരയിലെ ഗിന്നസ് സെയ്തലവി വീണ്ടും ഗിന്നസ് ബുക്കിലേക്ക്. 

29 സെക്കന്റില്‍ 61 എണ്ണം മുറിച്ച ഇന്തോനേഷ്യക്കാരന്റെ റെക്കോര്‍ഡ് ആണ് സെയ്തലവി തകര്‍ത്തത്. കൈതച്ചക്ക തലയില്‍ വെച്ച് നിരന്നിരുന്നത് 75 പേര്‍. വാളുകൊണ്ട് സെയ്തലവി അവരുടെ തലയുടെ മുകളിലിരിക്കുന്ന കൈതച്ചക്കള്‍ വെട്ടി. 

കോണ്‍ക്രീറ്റ് ബ്ലോക്കുകള്‍ക്ക് അടിയില്‍ കിടന്ന് ചുറ്റിക കൊണ്ട് അടിച്ചു തകര്‍ത്ത് നേരത്തെ സെയ്തലവി ഗിന്നസ് ബുക്കില്‍ ഇടം നേടിയിരുന്നു. 883 കിലോ തൂക്കം വരുന്ന കോണ്‍ക്രീറ്റ് ബ്ലോക്കുകള്‍ക്ക് ഇടയിലാണ് അന്ന് സെയ്തലവി കിടന്നത്.