ലഖ്നൗ: ഉത്തര്പ്രദേശ് ബാറ്റ്സ്മാന് തന്മയ് ശ്രീവാസ്തവ വിരമിക്കല് പ്രഖ്യാപിച്ചു. വിരാട് കോഹ്ലിയുടെ നേതൃത്വത്തില് ഇന്ത്യന് അണ്ടര് 19 ടീം ലോക കിരീടം ഉയര്ത്തിയ സീസണില് റണ്വേട്ടയില് മുന്പില് നിന്നത് തന്മയ് ആണ്.
മുപ്പതാമത്തെ വയസിലാണ് തന്മയ് ക്രിക്കറ്റില് നിന്ന് തന്റെ വിരമിക്കല് പ്രഖ്യാപിക്കുന്നത്. 2008 അണ്ടര് 19 ലോകകപ്പില് 262 റണ്സ് ആണ് തന്മയ് നേടിയത്. കോഹ് ലി, രവീന്ദ്ര ജഡേജ, മനീഷ് പാണ്ഡേ, സൗരഭ് തീവാരി എന്നിവരടങ്ങുന്ന ശക്തമായ ബാറ്റിങ് നിരയ്ക്കൊപ്പം നിന്നാണ് തന്മയ് റണ്വേട്ടയില് മുന്പില് എത്തിയത്.
14 വര്ഷത്തെ കരിയര് താന് ആവസാനിപ്പിക്കുകയാണെന്ന് തന്മയ് ട്വിറ്ററിലൂടെ വ്യക്തമാക്കി. തന്റെ ക്രിക്കറ്റ് യാത്രയില് ഒപ്പമുണ്ടായിരുന്ന എല്ലാവര്ക്കും നന്ദി പറയുന്നു. ഫീല്ഡില് പല നല്ല ഓര്മകളും നല്കിയിട്ടുണ്ടെന്നെന്നും തന്മയ് പറഞ്ഞു.
2019-20 സീസണിലായാണ് തന്മയ് അവസാനമായി രഞ്ജി ട്രോഫി കളിക്കാന് ഇറങ്ങിയത്. ഉത്തരാഖണ്ഡിനെതിരെയായിരുന്നു അത്. പുനെയില് മഹാരാഷ്ട്രക്കെതിരെ ഇറങ്ങിയപ്പോള് 4,15 എന്നീ സ്കോറുകള് മാത്രമായിരുന്നു തന്മയ്ക്ക് കണ്ടെത്താനായത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates