ലണ്ടന്: കൗണ്ടി സീസണില് ചേതേശ്വര് പൂജാരയ്ക്ക് രണ്ടാം ഇരട്ട ശതകം. സസക്സിന് വേണ്ടി 334 പന്തിലാണ് പൂജാര 203 റണ്സ് നേടിയത്. പൂജാരയുടെ ഇരട്ട ശതകത്തിന്റെ ബലത്തില് സസ്ക്സ് 538 എന്ന കൂറ്റന് സ്കോറിലേക്ക് എത്തി.
കൗണ്ടി സീസണിലെ ഡെര്ബിഷയറിന് എതിരെ പൂജാര ഇരട്ട ശതകം കണ്ടെത്തിയിരുന്നു. പിന്നാലെ വോഴ്സെസ്റ്റര്ഷയറിന് എതിരെ സെഞ്ചുറി. ഇപ്പോള് ഡര്ഹാമിന് എതിരെ ഇരട്ട സെഞ്ചുറിയും. 24 ബൗണ്ടറികളാണ് ഡര്ഹാമിന് എതിരെ പൂജാരയുടെ ബാറ്റില് നിന്ന് വന്നത്.
സസ്സെക്സിലെ തന്റെ സഹതാരമായ പാകിസ്ഥാന്റെ മുഹമ്മദ് റിസ്വാനൊപ്പം നിന്നും പൂജാര കൂട്ടുകെട്ട് ഉയര്ത്തി. ആറാം വിക്കറ്റില് ക്രീസില് ഒരുമിച്ച ഇരുവരും ചേര്ന്ന് 154 റണ്സ് ആണ് കണ്ടെത്തിയത്. ഇന്ത്യ-പാക് ബാറ്റേഴ്സ് ക്രീസില് ഒരുമിച്ചെത്തിയത് ആരാധകരിലും കൗതുകം നിറച്ചു.
ഫോമില്ലായ്മയുടെ പേരില് രഹാനെയ്ക്കൊപ്പം പൂജാരയ്ക്കും ഇന്ത്യന് ടീമിലെ സ്ഥാനം നഷ്ടമായിരുന്നു. എന്നാല് 5 ഇന്നിങ്സില് നിന്ന് ഒരു സെഞ്ചുറിയും രണ്ട് ഇരട്ട ശതകവും നേടിയതോടെ ഇന്ത്യന് ടെസ്റ്റ് ടീമിലേക്ക് മടങ്ങിയെത്താനുള്ള സാധ്യതകള് പൂജാരയ്ക്ക് മുന്പില് തുറക്കുകയാണ്. മാറ്റിവെച്ച ഇംഗ്ലണ്ടിനെതിരായ ടെസ്റ്റിനായി ഇന്ത്യ ലണ്ടനിലേക്ക് പറക്കുമ്പോള് പൂജാരയും ടീമില് ഇടം പിടിച്ചേക്കും.
ഈ വാര്ത്ത കൂടി വായിക്കാം
സമകാലിക മലയാളം ഇപ്പോൾ വാട്ട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates