11 ഓവറും അഞ്ച് റണ്‍സ് മാത്രമാണ് അവര്‍ക്ക് വേണ്ടിയിരുന്നത്. കയ്യിലുണ്ടായത് അഞ്ച് വിക്കറ്റും. പക്ഷേ മൂന്ന് റണ്‍സിന് അവര്‍ തോറ്റു. അതും 10 പന്ത് നേരിടുന്നതിന് ഇടയില്‍. ഓസ്‌ട്രേലിയയിലെ ആഭ്യന്തര ക്രിക്കറ്റ് ടൂര്‍ണമെന്റായ മാര്‍ഷ് കപ്പില്‍ വിക്ടോറിയ-ടാസ്മാനിയ മത്സരത്തിലാണ് ക്രിക്കറ്റ് ലോകത്തെ അമ്പരപ്പിച്ച തകര്‍ച്ച.

വിക്ടോറിയ ഉയര്‍ത്തിയ 186 റണ്‍സിന്റെ വിജയ ലക്ഷ്യം മറികടക്കും എന്ന് ടാസ്മാനിയ ഉറപ്പിച്ച് നിന്ന ഘട്ടമായിരുന്നു അത്. നാല് വിക്കറ്റ് നഷ്ടത്തില്‍ 172 റണ്‍സ് എന്ന് നിന്നിടത്ത് നിന്നും 12 റണ്‍സ് കൂട്ടിച്ചേര്‍ക്കുന്നതിന് ഇടയില്‍ അവരുടെ ആറ് വിക്കറ്റുകള്‍ വീണു. 

40ാം ഓവറില്‍ മൂന്ന് വിക്കറ്റ് വീഴ്ത്തിയ താക്‌സന്‍ കോള്‍മാനും, 41ാം ഓവറില്‍ രണ്ട് വിക്കറ്റ് വീഴ്ത്തിയ ക്രിസ് ട്രമെയ്‌നുമാണ് വിക്ടോറിയയെ ജയത്തിലേക്ക് എത്തിച്ചത്.