തിരുവനന്തപുരം: കാര്യവട്ടം ഗ്രീന്‍ ഫീല്‍ഡ് സ്റ്റേഡിയത്തില്‍ നടക്കാനിരുന്ന ദക്ഷിണാഫ്രിക്ക- അഫ്ഗാനിസ്ഥാന്‍ ലോകകപ്പ് സന്നാഹ മത്സരംയില്‍ ഒലിക്കുമെന്നു ആശങ്ക. 

ഇന്ന് ഉച്ചയ്ക്ക് രണ്ടിന് തുടങ്ങേണ്ട പോരാട്ടം ഇതുവരെ ആരംഭിച്ചിട്ടില്ല. കനത്ത മഴയാണ് വില്ലന്‍. 

മഴ തുടരുന്നതിനാല്‍ മത്സരത്തിന്റെ ടോസ് പോലും ചെയ്തിട്ടില്ല. പകല്‍ രാത്രി പോരാട്ടമാണ് തിരുവനന്തപുരത്ത് നിശ്ചയിച്ചിരുന്നത്. 

ജില്ലയില്‍ രാവിലെ മുതല്‍ തന്നെ മഴയുണ്ട്. നിലവില്‍ ചാറ്റല്‍ മഴയാണ് പെയ്യുന്നത്. മികച്ച ഡ്രൈനേജ് സംവിധാനം കാര്യവട്ടത്തുണ്ട് എന്നതിനാല്‍ മഴ മാറിയാല്‍ മത്സരം ആരംഭിക്കും.

ഈ വാര്‍ത്ത കൂടി വായിക്കൂ 

ന്യൂസിലന്‍ഡിനു തിരിച്ചടി; ലോകകപ്പിലെ ഉദ്ഘാടന മത്സരത്തില്‍ കെയ്ന്‍ വില്ല്യംസന്‍ കളിക്കില്ല

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ