ന്യൂഡല്‍ഹി: വിവാഹ ഫോട്ടോ വൈറലായതിന് പിന്നാലെ ആരാധകര്‍ ഇന്റര്‍നെറ്റില്‍ ആരാധകര്‍ തിരഞ്ഞത് ഇന്ത്യന്‍ സ്റ്റാര്‍ പേസര്‍ ജസ്പ്രീത് ബൂമ്രയുടെ ജാതി. ബൂമ്ര സിഖ് ആണോ എന്ന ചോദ്യമാണ് തിങ്കളാഴ്ച ഗൂഗിള്‍ സെര്‍ച്ച് ട്രെന്‍ഡില്‍ മുകളിലെത്തിയത്.
ജസ്പ്രീത് ബൂമ്ര സിഖ്, ജസ്പ്രീത് ബൂമ്രയുടെ സംസ്ഥാനം, സഞ്ജന ഗണേഷന്‍ കെകെആര്‍, ബൂമ്രയുടെ ജന്മസ്ഥലം എന്നീ സെര്‍ച്ചുകളാണ് ഗൂഗിള്‍ ട്രെന്‍ഡ്‌സില്‍ കിടന്ന് കറങ്ങിയത്. പിങ്ക് നിറത്തിലുള്ള ഷെര്‍വാണിക്കൊപ്പം തലപ്പാവുമായിരുന്നു ബൂമ്രയുടെ വിവാഹ വേശം. തലപ്പാവ് അണിഞ്ഞ് കണ്ടതോടെയാണ് ബൂമ്രയുടെ ജാതി തേടി ആരാധകര്‍ ഗൂഗിളില്‍ എത്തിയത്.
ഗോവയിലെ സ്വകാര്യ ഹോട്ടലില്‍ വെച്ച് പൂര്‍ണമായും പഞ്ചാബി രീതിയിലായിരുന്നു വിവാഹം. അഹമ്മദാബാദിലാണ് ബൂമ്ര ജനിച്ചത്. ഗുജറാത്തില്‍ സ്ഥിരതാമസമാക്കിയ പഞ്ചാബി കുടുംബമാണ് ഇവരുടേത്. അച്ഛന്റെ മരണശേഷം സ്‌കൂള്‍ ടീച്ചറായ അമ്മയാണ് ബൂമ്രയെ വളര്‍ത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates