ബ്യൂണസ് ഐറിസ്: അര്‍ജന്റീനയുടെ ഏറ്റവും മൂല്യമേറിയ താരം എന്ന നേട്ടത്തില്‍ സൂപ്പര്‍ താരം ലയണല്‍ മെസിയെ രണ്ടാം സ്ഥാനത്തേക്ക് മാറ്റി ലൗതാരോ മാര്‍ട്ടിനസ്. ട്രാന്‍സ്ഫര്‍ മൂല്യത്തിന്റെ അടിസ്ഥാനത്തിലാണ് ഇന്റര്‍ മിലാന്‍ സ്‌ട്രൈക്കര്‍ ഒന്നാം സ്ഥാനം പിടിച്ചത്.
അര്‍ജന്റൈന്‍ ക്ലസ് റേസിങ്ങില്‍ നിന്ന് 2018ലാണ് മാര്‍ട്ടിനസ് ഇന്റര്‍ മിലാനിലേക്ക് എത്തുന്നത്. 22.7 മില്യണ്‍ യൂറോ ആയിരുന്നു ഫീ. ഇന്ററിന് വേണ്ടി 179 മത്സരങ്ങളില്‍ നിന്ന് 74 ഗോളും 24 അസിസ്റ്റും മാര്‍ട്ടിനസിന്റെ പേരിലുണ്ട്. സീരി എ കിരീടത്തിലേക്കും കോപ്പ ഇറ്റാലിയയിലേക്കും തന്റെ ടീമിനെ നയിക്കാന്‍ മാര്‍ട്ടിനസിന് കഴിഞ്ഞു.
ഈ സീസണില്‍ 49 കളിയില്‍ നിന്ന് 25 ഗോളാണ് മാര്‍ട്ടിനസ് നേടിയത്. 75 മില്യണ്‍ യൂറോ മൂല്യവുമായാണ് മെസിയെ പിന്തള്ളി മാര്‍ട്ടിനസ് അര്‍ജന്റീനയിലെ ഏറ്റവും മൂല്യമുള്ള താരമായി മാറിയത്. 50 മില്യണ്‍ യൂറോയാണ് മെസിയുടെ ട്രാന്‍സ്ഫര്‍ മൂല്യം. ക്രിസ്റ്റ്യന്‍ റൊമേരോയാണ് മെസിക്ക് പിന്നിലായുള്ളത്. 48 മില്യണ്‍ യൂറോയാണ് ടോട്ടനം താരത്തിന്റെ മൂല്യം.
40 മില്യണ്‍ യൂറോ മൂല്യവുമായി അത്‌ലറ്റിക്കോ മാഡ്രിഡിന്റെ റോഡ്രിഗോ ഡി പോള്‍ ആണ് നാലാം സ്ഥാനത്ത്. അഞ്ചാം സ്ഥാനത്ത് ഡിബാലയും. 35 മില്യണ്‍ യൂറോയാണ് താരത്തിന്റെ മൂല്യം. 32 മില്യണ്‍ യൂറോയുമായി ലിസാന്‍ഡ്രോ മാര്‍ട്ടിനസ്, 28 മില്യണ്‍ യൂറോയുമായി എമിലിയാനോ മാര്‍ട്ടിനസ് എന്നിവരാണ് ആറും ഏഴും സ്ഥാനത്തുള്ളത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates