അബുദാബി: ഏഷ്യാ കപ്പിലെ ഇന്നത്തെ പോരില്‍ ബംഗ്ലാദേശിനു മുന്നില്‍ 144 റണ്‍സ് വിജയ ലക്ഷ്യം വച്ച് ഹോങ്കോങ്. ടോസ് നേടി ബംഗ്ലാദേശ് ബൗളിങ് തിരഞ്ഞെടുക്കുകയായിരുന്നു. ആദ്യം ബാറ്റ് ചെയ്ത ഹോങ്കോങ് 7 വിക്കറ്റ് നഷ്ടത്തില്‍ 143 റണ്‍സ് കണ്ടെത്തി.
വിചാരിച്ച പോലെ വിറപ്പിക്കാന്‍ ബംഗ്ലാ ബൗളര്‍മാര്‍ക്കു സാധിച്ചില്ല. എന്നാല്‍ അവസാന ഘട്ടത്തില്‍ ഹോങ്കോങ് മികച്ച സ്‌കോര്‍ നേടുന്നതിനു തടയിടാന്‍ അവര്‍ക്കായി.
നിസാകത് ഖാനാണ് ഹോങ്കോങിന്റെ ടോപ് സ്‌കോറര്‍. താരം 42 റണ്‍സെടുത്തു. 19 പന്തില്‍ രണ്ട് വീതം സിക്‌സും ഫോറും സഹിതം 28 റണ്‍സെടുത്ത ക്യാപ്റ്റന്‍ യസിം മുര്‍താസയുടെ മികവാണ് പൊരുതാവുന്ന സ്‌കോറിലേക്ക് ഹോങ്കോങിനെ നയിച്ചത്. ഓപ്പണര്‍ സീഷന്‍ അലി 30 റണ്‍സ് കണ്ടെത്തി.
ടസ്‌കിന്‍ അഹമദ്, തന്‍സിം ഹസന്‍ ഷാകിബ്, റിഷാദ് ഹുസൈന്‍ എന്നിവര്‍ രണ്ട് വീതം വിക്കറ്റുകള്‍ നേടി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates