സിഡ്നി: ഇന്ത്യന് വനിതാ ടീമിനെതിരായ മൂന്നാം ഏകദിനത്തിലും മികച്ച സ്കോറുമായി ഓസ്ട്രേലിയന് വനിതകള്. ആദ്യം ബാറ്റ് ചെയ്ത ഓസ്ട്രേലിയ നിശ്ചിത ഓവറില് 6 വിക്കറ്റ് നഷ്ടത്തില് 298 റണ്സെടുത്തു. ടോസ് നേടി ഇന്ത്യ ആദ്യം ബൗള് ചെയ്യുകയായിരുന്നു.
അന്നബെല് സതര്ലാന്ഡിന്റെ സെഞ്ച്വറിയും ആഷ്ലി ഗാര്ഡ്നര്, ക്യാപ്റ്റന് തഹില മഗ്രാത്ത് എന്നിവരുടെ അര്ധ സെഞ്ച്വറികളുമാണ് അവര്ക്ക് മികച്ച സ്കോര് സമ്മാനിച്ചത്. ഒരു ഘട്ടത്തില് 4 വിക്കറ്റ് നഷ്ടത്തില് 78 റണ്സെന്ന നിലയിലായിരുന്നു. പിന്നീടാണ് അവര് കരകയറിയത്.
അന്നബെല് 95 പന്തില് 9 ഫോറും 4 സിക്സും സഹിതം 110 റണ്സെടുത്തു. തഹില 56 റണ്സും ആഷ്ലി 50 റണ്സും കണ്ടെത്തി. തഹില പുറത്താകാതെ നിന്നു.
ഇന്ത്യക്കായി അരുന്ധതി റെഡ്ഡി നാല് വിക്കറ്റുകള് വീഴ്ത്തി. ദീപ്തി ശര്മ ഒരു വിക്കറ്റെടുത്തു. മൂന്ന് മത്സരങ്ങളടങ്ങിയ പരമ്പര ഓസ്ട്രേലിയ 2-0ത്തിനു ഉറപ്പിച്ചാണ് മൂന്നാം പോരിനിറങ്ങിയത്. ഇന്ത്യ പരമ്പരയില് ആശ്വാസ ജയമാണ് തേടുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates