അഹമ്മദാബാദ്: ഇന്ത്യയ്ക്കെതിരായ നാലാം ടെസ്റ്റില് ഇംഗ്ലണ്ടിന് പതര്ച്ചയോടെ തുടക്കം. മുപ്പതു റണ്സ് എടുക്കുന്നതിനിടയില് മൂന്നു വിക്കറ്റ് നഷ്ടമായ സന്ദര്ശകര് ഉച്ചഭക്ഷണത്തിനു പിരിയുമ്പോള് 74-3 എന്ന നിലയിലാണ്. അക്സര് പട്ടേല് രണ്ടും സിറാജ് ഒരു വിക്കറ്റും വീഴ്ത്തി.
ആറാം ഓവറില് പട്ടേലാണ് ഇംഗ്ലണ്ടിന്റെ ആദ്യ വിക്കറ്റ് വീഴ്ത്തിയത്. രണ്ടു രണ്സ് എടുത്ത സിബ്ലി ആണ് ആദ്യം മടങ്ങിയത്. പട്ടേലിന്റെ സ്പിന്നിനെ ആക്രമിച്ചു കളിച്ച ക്രോളി എട്ടില് മുഹമ്മദ് സിറാജിനു ക്യാച്ച് നല്കി മടങ്ങി.
ആദ്യ ടെസ്റ്റില് ഡബിള് സെഞ്ച്വറി നേടി താരമായ ജോ റൂട്ടിനും ഇരട്ട അക്കം കടക്കാനായില്ല. സിറാജിന്റെ ഇന്സ്വിങ്ങറിനു മുന്നില് റൂട്ട് വീണു.
നാലാം വിക്കറ്റില് ബെയര്സ്റ്റോവും ബെന് സ്റ്റോക്സും ചേര്ന്നാണ് ഇംഗ്ലണ്ടിനെ കര കയറ്റിയത്. ബെയര്സ്റ്റോ 28ഉം സ്റ്റോക്സ് 24ഉം റണ്സ് എടുത്തിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates