ലാഹോര്‍: വിടപറഞ്ഞ ഗായിക ലതാ മങ്കേഷ്‌കറിന് ആദരാഞ്ജലി അര്‍പ്പിച്ച് പാകിസ്ഥാന്‍ ക്രിക്കറ്റ് ടീം ക്യാപ്റ്റന്‍ ബാബര്‍ അസം. സമൂഹമാധ്യമങ്ങളിലാണ് ലതാ മങ്കേഷ്‌കറെ കുറിച്ച് ബാബര്‍ എഴുതിയത്. 

ഒരു സുവര്‍ണ തലമുറയുടെ അവസാനം. ലോകമെമ്പാടുമുള്ള കോടിക്കണക്കിന് ആരാധകരുടെ ഹൃദയങ്ങളില്‍ അവരുടെ മാന്ത്രിക ശബ്ദം ജീവിക്കും. പകരംവയ്ക്കാനില്ലാത്ത വ്യക്തി, ബാബര്‍ കുറിച്ചു. 

എന്നാല്‍ ആര്‍ഐപി എന്ന് ലതാ മങ്കേഷ്‌കറിന് ആദരാഞ്ജലി അര്‍പ്പിച്ച് ബാബര്‍ കുറിച്ചതിന് എതിരെ വിമര്‍ശനം ഉയര്‍ന്നു. ഹിന്ദുവിന് ആര്‍ഐപി പറയാനാവില്ല എന്നാണ് ബാബറിന്റെ സമൂഹമാധ്യമങ്ങളിലെ പോസ്റ്റിന് അടിയില്‍ വരുന്ന കമന്റുകള്‍.