ചണ്ഡീഗഢ്: അന്താരാഷ്ട്ര ടി20 അരങ്ങേറ്റത്തില്‍ ഒരു ഇന്ത്യക്കാരന്റെ ഏറ്റവും മികച്ച ബൗളിങ് പ്രകടനം പുറത്തെടുത്ത താരം. ഇടം കൈയന്‍ പേസര്‍ ബരിന്ദര്‍ സ്രാന്‍ അന്താരാഷ്ട്ര, ആഭ്യന്തര ക്രിക്കറ്റില്‍ നിന്നു വിരമിക്കല്‍ പ്രഖ്യാപിച്ചു. 31ാം വയസിലാണ് താരത്തിന്റെ അപ്രതീക്ഷിത പ്രഖ്യാപനം.

ആറ് ഏകദിനങ്ങളും രണ്ട് ടി20 മത്സരങ്ങളും ഇന്ത്യക്കായി കളിച്ചാണ് താരം കളി മതിയാക്കിയത്. അന്താരാഷ്ട്ര പോരാട്ടങ്ങളില്‍ നിന്നു 13 വിക്കറ്റുകളാണ് നേട്ടം.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

2016ല്‍ സിംബാബ്‌വെക്കെതിരായ ടി20 പോരാട്ടത്തില്‍ 4 ഓവറില്‍ 10 റണ്‍സ് മാത്രം വഴങ്ങി 4 വിക്കറ്റുകളാണ് താരം വീഴ്ത്തിയത്. അരങ്ങേറ്റ പോരാട്ടത്തിലെ ഈ പ്രകടനം ഇന്നും തകരാത്ത ഇന്ത്യന്‍ റെക്കോര്‍ഡാണ്.

ഐപിഎല്ലില്‍ പഞ്ചാബ് കിങ്‌സ്, രാജസ്ഥാന്‍ റോയല്‍സ്, മുംബൈ ഇന്ത്യന്‍സ്, സണ്‍റൈസേഴ്‌സ് ഹൈദരാബാദ് ടീമുകള്‍ക്കായി കളിച്ചു. 2019ല്‍ ഐപിഎല്‍ കിരീടം നേടിയ മുംബൈ ടീമില്‍ താരവും അംഗമായിരുന്നു.