പുനെ: ഇന്ത്യക്കെതിരായ രണ്ടാം ഏകദിനത്തില് പന്തില് ഉമിനീര് പുരട്ടി ഇംഗ്ലണ്ട് പേസര് ബെന് സ്റ്റോക്ക്സ്. ഇതോടെ സ്റ്റോക്ക്സിനെ അമ്പയര്മാര് താക്കിത് ചെയ്തു.
രണ്ടാം വട്ടവും പന്തില് ഉമിനീര് പുരട്ടിയാല് 5 റണ് പെനാല്റ്റിയായിരിക്കും വിധിക്കുക. ഇന്ത്യന് ഇന്നിങ്സില് റീസ് ടോപ്ലേയുടെ ഓവറിലാണ് സ്റ്റോക്ക്സ് പന്തില് ഉമിനീര് പുരട്ടിയത്. ഉടന് തന്നെ അമ്പയര് സ്റ്റോക്ക്സിന് താക്കീത് നല്കി.
പന്ത് അമ്പയര് വൃത്തിയാക്കുകയും, ഇനിയും പന്തില് ഉമിനീര് പുരട്ടിയാല് 5 റണ് പെനാല്റ്റിയായി എതിര് ടീമിന് നല്കുകയും ചെയ്യുമെന്ന് അമ്പയര് ഇംഗ്ലണ്ട് ക്യാപ്റ്റന് ജോസ് ബട്ട്ലര്ക്ക് മുന്നറിയിപ്പ് നല്കുകയും ചെയ്തു.
ഈ നാലാം ഓവറിലാണ് ശിഖര് ധവാന്റെ വിക്കറ്റ് ടോപ്ലേ വീഴ്ത്തിയത്. സ്ലിപ്പില് സ്റ്റോക്ക്സിന് ക്യാച്ച് നല്കിയാണ് ധവാന് മടങ്ങിയത്. കോവിഡ് ഇടവേളയ്ക്ക് ശേഷം ക്രിക്കറ്റ് പുനരാരംഭിച്ചപ്പോഴാണ് ഉമിനീര് പന്തില് പുരട്ടുന്നത് വിലക്കിയത്. എന്നാല് ഇന്ത്യ-ഇംഗ്ലണ്ട് പിങ്ക് ബോള് ടെസ്റ്റിന് ഇടയിലും സ്റ്റോക്ക്സ് പന്തില് ഉമിനീര് പുരട്ടിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates