ന്യൂഡല്‍ഹി: വിവാഹ ചടങ്ങുകള്‍ക്കിടയില്‍ കമ്പിത്തിരി ഉള്‍പ്പെടെയുള്ള വസ്തുക്കള്‍ ഉപയോഗിച്ചതിന്റെ പേരില്‍ ബൂമ്രയ്ക്ക് എതിരെ ആരാധകര്‍. 2017ല്‍ ദീപാവലി ആഘോഷങ്ങള്‍ക്കിടയില്‍ പടക്കം ഉപയോഗിക്കുന്നതിനെ എതിര്‍ത്ത് ബൂമ്ര നടത്തിയ പ്രതികരണം ചൂണ്ടിക്കാണിച്ചാണ് വിമര്‍ശനം. 

പറയുന്നത് ഒന്ന് പ്രവര്‍ത്തിക്കുന്നത് മറ്റൊന്ന് എന്നാണ് ബൂമ്രയെ വിമര്‍ശിച്ച് ആരാധകര്‍ പറയുന്നത്. ഹിന്ദുക്കളുടെ ആഘോഷങ്ങളില്‍ പടക്കം ഉപയോഗിക്കരുത് എന്ന് പറയുകയും, തന്റെ വമ്പന്‍ വിവാഹ ചടങ്ങില്‍ അത് ഉപയോഗിക്കുകയും ചെയ്യുകയാണെന്നുമെല്ലാമാണ് ട്വിറ്ററില്‍ ഉയരുന്ന കമന്റുകള്‍. 

മാര്‍ച്ച് 15ന് ഗോവയില്‍ വെച്ചായിരുന്നു സ്‌പോര്‍ട്‌സ് അവതാരികയായ സഞ്ജന ഗണേഷനുമായുള്ള ബൂമ്രയുടെ വിവാഹം. അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹ ചടങ്ങുകളില്‍ പങ്കെടുത്തത്.