ബ്രിസ്ബേന്: പാക് പര്യടനങ്ങളില് നിന്ന് ടീമുകള് പിന്മാറുന്നതിന് എതിരെ ഓസ്ട്രേലിയന് താരം ഉസ്മാന് ഖവാജ. ഒരു മനസാക്ഷിയും ഇല്ലാതെ പാകിസ്ഥാന് പര്യടനങ്ങളില് നിന്ന് പിന്മാറുന്ന ടീമുകള്ക്ക് ഇന്ത്യക്ക് എതിരെ അങ്ങനെ ഒരു സമീപനം സ്വീകരിക്കാന് കഴിയുമോ എന്നാണ് ഖവാജ ചോദിക്കുന്നത്.
പാകിസ്ഥാനോട് നോ പറയാന് ആര്ക്കും ഒരു ബുദ്ധിമുട്ടും ഇല്ല. കാരണം അത് പാകിസ്ഥാന് ആണല്ലോ. ബംഗ്ലാദേശിനോടും ഈ സമീപനം കാണിച്ചേക്കും. എന്നാല് ഇന്ത്യയിലും ഇതുപോലൊരു സാഹചര്യം ഉണ്ടായാല് നോ പറയാന് ടീമുകള് തയ്യാറാവുമോ? പണം തന്നെയാണ് ഇവിടെ പ്രധാനപ്പെട്ടത് എന്ന് ആര്ക്കാണ് അറിയാനാവാത്തത് എന്നും ഖവാജ പറയുന്നു.
എത്രയോ ടൂര്ണമെന്റുകള് സുരക്ഷാ പ്രശ്നം ഇല്ലാതെ വിജയകരമായി നടത്തി പാകിസ്ഥാന് തെളിയിച്ചിരിക്കുന്നു. അവിടെ യാതൊരു ഭീഷണിയും ഇല്ലെന്ന് എല്ലാവര്ക്കും അറിയാം. പാകിസ്ഥാനില് പര്യടനം നടക്കാതിരിക്കാന് ഒരു കാരണവും ഞാന് കാണുന്നില്ല, ഖവാജ പറഞ്ഞു.
പാക് പര്യടനത്തിന് എത്തിയ ന്യൂസിലാന്ഡ് ടീം ആദ്യ ഏകദിനം ആരംഭിക്കാന് മണിക്കൂറുകള് മാത്രമുള്ളപ്പോള് പിന്മാറിയത് വിവാദമായിരുന്നു. സുരക്ഷ ഭീഷണി ചൂണ്ടിയായിരുന്നു പിന്മാറ്റം. പിന്നാലെ ഇംഗ്ലണ്ടും പാകിസ്ഥാനിലേക്ക് എത്തില്ലെന്ന് വ്യക്തമാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates