സിഡ്നി: ഓസ്ട്രേലിയൻ ക്രിക്കറ്റ് താരം ഡേവിഡ് വാർണറുടെ ഭാര്യ കാൻഡിസ് ടോക്യോ ഒളിംപിക്സിൽ കമന്റേറ്റർ. ഒളിംപിക്സിനുള്ള ബ്രോഡ്കാസ്റ്റിങ് യൂണിറ്റിൽ കാൻഡിസ് ഉൾപ്പെട്ടു.
കാമറയ്ക്ക് മുൻപിൽ പുതുമുഖമല്ല കാൻഡിസ്. ഓസ്ട്രേലിയയിലെ ടിവി സീരീസ് ആയ എസ്എഎസിലെ താരങ്ങളിൽ ഒരാളാണ് വാർണറുടെ ഭാര്യ. ഒളിംപിക്സിലെ ഓപ്പൺ വാട്ടർ സ്വിമ്മിങ് ഉൾപ്പെടെയുള്ള മത്സര ഇനങ്ങളിലാണ് കാൻഡിസ് കമന്റേറ്ററുടെ റോളിൽ എത്തുക.
ഐപിഎൽ പതിനാലാം സീസൺ ഉപേക്ഷിച്ചതിന് ശേഷം തന്റെ കുടുംബത്തിന് കാര്യങ്ങൾ പ്രയാസകരമായിരുന്നു എന്ന് കാൻഡിസ് പറഞ്ഞിരുന്നു. കുട്ടികളുടെ സ്കൂളിലും മറ്റും എത്തി പലരും വാർണർ സുരക്ഷിതനാണോ എന്നെല്ലാം അന്വേഷിച്ചുകൊണ്ടിരുന്നു. കുട്ടികൾക്ക് എല്ലാം മനസിലാവുന്ന പ്രായമായിരിക്കുകയാണ്. എന്താണ് സംഭവിക്കുന്നത് എന്ന് അവർക്ക് മനസിലാവുന്നുണ്ടായി, കാൻഡിസ് പറഞ്ഞു.
കുട്ടികളുമായി വലിയ അടുപ്പമാണ് വാർണർക്ക്. വാർണർ നാട്ടിലേക്ക് എത്തുന്ന ദിവസവും നോക്കി കലണ്ടറിൽ മാർക്ക് ചെയ്ത് ഓരോ ദിവസവും കുട്ടികൾ നോക്കി ഇരിക്കുകയായിരുന്നു എന്നും വാർണറുടെ ഭാര്യ പറഞ്ഞു. ഐപിഎൽ സീസൺ മെയ് 4ന് ഉപേക്ഷിച്ചെങ്കിലും വാർണർക്കും മറ്റ് ഓസീസ് സംഘത്തിനും നാട്ടിലേക്ക് തിരിക്കാൻ കഴിഞ്ഞിരുന്നില്ല. മാലിദ്വീപിൽ രണ്ടാഴ്ച കഴിഞ്ഞതിന് ശേഷമാണ് ഇവർക്ക് ഓസ്ട്രേലിയയിലേക്ക് പ്രവേശനം അനുവദിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates