മുംബൈ: 8 മത്സരം പിന്നിടുമ്പോള്‍ രണ്ടാം സ്ഥാനത്താണ് രാജസ്ഥാന് റോയല്‍സ്. സീസണില്‍ രാജസ്ഥാന് മികവ് കാണിച്ച് മുന്നേറുന്ന ഈ സമയം സഞ്ജു സാംസണിന്റെ ക്യാപ്റ്റന്‍സിയെ അഭിനന്ദിച്ച് കേരള ക്യാപ്റ്റന്‍ സച്ചിന്‍ ബേബി.
ക്യാപ്റ്റന്‍സി അത്ര എളുപ്പമുള്ള ജോലിയല്ല. ഐപിഎല്ലില്‍ മികച്ച പ്രകടനമാണ് സഞ്ജുവില്‍ നിന്ന് വരുന്നത്. സ്‌കോര്‍ ചെയ്യുന്നു. ക്യാപ്റ്റനായിരിക്കുമ്പോള്‍ കയ്യടിയും വിമര്‍ശനവും ലഭിക്കും. എനിക്ക് ഈ കാര്യങ്ങള്‍ മനസിലാവും. കാരണം ഞാന്‍ ഇതിലൂടെയെല്ലാം കടന്ന് പോയതാണ്, സച്ചിന്‍ ബേബി പറയുന്നു.
കേരള ക്രിക്കറ്റിനും പ്രചോദനമാവും
ഐപിഎല്‍ ക്യാപ്റ്റന്‍സിയിലേക്ക് സഞ്ജു എത്തിയത് കേരള ക്രിക്കറ്റിനും പ്രചോദനമാവുമെന്ന് സച്ചിന്‍ ബേബി പറഞ്ഞു. 2021 സീസണില്‍ സ്റ്റീവ് സ്മിത്തിനെ ടീമില്‍ നിന്ന് ഒഴിവാക്കിയതിന് പിന്നാലെയാണ് സഞ്ജുവിനെ ക്യാപ്റ്റനായി രാജസ്ഥാന് റോയല്‍സ് പ്രഖ്യാപിച്ചത്.
രാജസ്ഥാനെ 11 മത്സരങ്ങളിലാണ് ഇതുവരെ സഞ്ജുവിന് ജയത്തിലേക്ക് എത്തിക്കാനായത്. 22 കളിയില്‍ തോറ്റു. കഴിഞ്ഞ സീസണില്‍ ഏഴാം സ്ഥാനത്താണ് രാജസ്ഥാന് ഫിനിഷ് ചെയ്തത്. എന്നാല്‍ ഇത്തവണ താര ലേലത്തില്‍ വമ്പന്‍ താരങ്ങളെയെല്ലാം ടീമിലെത്തിച്ചതോടെ രാജസ്ഥാന് തുടര്‍ ജയങ്ങള്‍ നേടാനായി.
ഈ വാര്‍ത്ത കൂടി വായിക്കാം
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates