മുംബൈ: ഹാട്രിക്കും അഞ്ച് വിക്കറ്റ് നേട്ടവും...അത് രാജസ്ഥാന്‍ റോയല്‍സിന്റെ ലെഗ് സ്പിന്നര്‍ തകര്‍ത്താഘോഷിക്കുകയും ചെയ്തു. ഗ്രൗണ്ടിലെ തന്റെ ഹാട്രിക് സെലിബ്രേഷനിലൂടെ ട്രോളുകള്‍ക്കും മറുപടി നല്‍കുകയാണ് ചഹല്‍.
കൊല്‍ക്കത്തയുടെ കമിന്‍സിനെ പുറത്താക്കി ഹാട്രിക് നേടിയതിന് പിന്നാലെയുള്ള ആഘോഷത്തിലൂടേയും ക്രിക്കറ്റ് ലോകത്തിന്റെ ശ്രദ്ധ മുഴുവന്‍ പിടിക്കുകയാണ് ചഹല്‍. 2019 ലോകകപ്പിലെ ബൗണ്ടറി ലൈനിലെ ചഹലിന്റെ കിടപ്പ് വൈറലായിരുന്നു. ഹാട്രിക് നേടിയതിന് ശേഷം ഗ്രൗണ്ടില്‍ അതേ പോസില്‍ കിടന്നാണ് ചഹലിന്റെ മറുപടി.
ചഹലിന്റെ ഹാട്രിക്കും അതിന്റെ ആഘോഷവും ക്രിക്കറ്റ് ലോകം ഏറ്റെടുത്ത് കഴിഞ്ഞു. രാജസ്ഥാന്റെ ഭാഗ്യം സ്പിന്‍ ആണെന്നാണ് സെവാഗ് ട്വിറ്ററില്‍ കുറിച്ചത്. സീസണിലെ ആദ്യ ഹാട്രിക്കിനാണ് നമ്മള്‍ സാക്ഷിയായത്. ഹാട്രിക്കിന് ശേഷമുള്ള പോസും ഇഷ്ടപ്പെട്ടു, മുന്‍ താരം യൂസഫ് പഠാന്‍ ട്വിറ്ററില്‍ കുറിച്ചു.
ആദ്യ മൂന്ന് ഓവറിലും ഇത്രയും റണ്‍സ് വഴങ്ങിയതിന് ശേഷം 17ാം ഓവര്‍ എറിയാന്‍ വരികയും രണ്ട് റണ്‍ മാത്രം വഴങ്ങി ഹാട്രിക് ഉള്‍പ്പെടെ 4 വിക്കറ്റ് വീഴ്ത്തുകയും ചെയ്യുന്നു. ധൈര്യവും നിശ്ചദാര്‍ഡ്യവും നിറഞ്ഞത്, ചഹലിനെ പ്രശംസിച്ച് വസീം ജാഫര്‍ പറയുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates