റാവല്‍പിണ്ടി: ചാംപ്യന്‍സ് ട്രോഫിയില്‍ ആശ്വാസം തേടി ഇറങ്ങുകയാണ് പാകിസ്ഥാനും ബംഗ്ലാദേശും. രണ്ട് കളികളും തോറ്റ് നില്‍ക്കുന്ന സംഘങ്ങള്‍. ജയിച്ചാല്‍ സെമി പ്രവേശനമൊന്നും സാധിക്കില്ല. നേരിയ ആശ്വാസം മാത്രമാണ് പ്രതീക്ഷിക്കുന്നത്. പക്ഷേ മഴ ഇരുവരുടേയും മോഹങ്ങള്‍ക്ക് വിലങ്ങാകുമോ എന്നു കണ്ടറിയണം. മത്സരം അരങ്ങേറുന്ന റാവല്‍പിണ്ടിയില്‍ ഇന്നും മഴ മുന്നറിയിപ്പുണ്ട്.

കഴിഞ്ഞ ദിവസം ഇതേ വേദിയില്‍ ഓസ്‌ട്രേലിയ- ദക്ഷിണാഫ്രിക്ക പോരാട്ടമാണ് നടക്കേണ്ടിയിരുന്നത്. ഒരു പന്ത് പോലും എറിയാന്‍ സാധിക്കാതെ മത്സരം ഉപേക്ഷിച്ചിരുന്നു.

ഓൾ ഔട്ട്! അഫ്​ഗാനിസ്ഥാനോട് തോൽവി, ഇം​ഗ്ലണ്ട് ചാംപ്യന്‍സ് ട്രോഫിയിൽ നിന്ന് പുറത്ത്

29 വര്‍ഷത്തിനു ശേഷം സ്വന്തം നാട്ടില്‍ എത്തിയ ഒരു ഐസിസി പോരാട്ടത്തില്‍ ഈ വിധത്തില്‍ പുറത്തു പോകാന്‍ പാകിസ്ഥാന്‍ ആഗ്രഹിക്കുന്നുണ്ടാകില്ല. പക്ഷേ മഴ അതിനു സമ്മതിക്കുമോ എന്നു കണ്ടറിയണം. മഴ പെയ്താല്‍ ഒരു ജയം പോലുമില്ലാതെ ആതിഥേയര്‍ക്ക് പോരാട്ടം അവസാനിപ്പിക്കണമെന്ന ഗതികേടാണ് മുന്നില്‍.

ബംഗ്ലാദേശും സമാന അവസ്ഥയില്‍ തന്നെ. ഒരു ജയം പിടിച്ച് തലയുയര്‍ത്തി മടങ്ങാമെന്ന ലക്ഷ്യമാണ് അവര്‍ക്കുള്ളത്.