ന്യൂയോര്‍ക്ക്: കോപ്പ അമേരിക്ക ഫൈനല്‍ ലക്ഷ്യമിട്ട് ലോക ചാമ്പ്യന്‍മാരായ അര്‍ജന്റീന നാളെ സെമി കളിക്കാനിറങ്ങും. ആദ്യമായി കോപ്പ കളിക്കാനെത്തി ചരിത്രമെഴുതി സെമിയിലെത്തിയ കാനഡയാണ് എതിരാളികള്‍.

ഇന്ത്യന്‍ സമയം പുലര്‍ച്ചെ 5.30നാണ് പോരാട്ടം. ന്യൂജേഴ്‌സിയിലെ മെറ്റ് ലൈഫ് സ്റ്റേഡിയത്തിലാണ് പോരാട്ടം.

നായകനും ഇതിഹാസ താരവുമായ ലയണല്‍ മെസി നാളെ കളിക്കാനിറങ്ങുമെന്നു പരിശീലകന്‍ ലയണല്‍ സ്‌കലോനി വ്യക്തമാക്കി. ഗ്രൂപ്പ് പോരില്‍ നേരത്തെ കാനഡയുമായി അര്‍ജന്റീന ഏറ്റുമുട്ടിയിരുന്നു. ദിവസങ്ങള്‍ക്ക് മുന്‍ മാത്രം നടന്ന പോരില്‍ 2-0ത്തിനാണ് അര്‍ജന്റീന വിജയിച്ചത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ഇത്തവണ ഗ്രൂപ്പ് പോരാട്ടത്തില്‍ നേര്‍ക്കുനേര്‍ വരും മുന്‍പ് 2010ലാണ് അര്‍ജന്റീന കാനഡയുമായി നടാടെ ഏറ്റുമുട്ടിയത്. അന്നു 5-0 എന്ന സ്‌കോറിനാണ് അര്‍ജന്റീന വിജയിച്ചത്. ചുരുക്കത്തില്‍ ഇരു ടീമുകളും രണ്ട് തവണയാണ് ഏറ്റുമുട്ടിയത്. രണ്ടിലും അര്‍ജന്റീന ജയിച്ചു.

രണ്ടാം സെമിയില്‍ കൊളംബിയ- ഉറുഗ്വെ പോരാട്ടം കാണാം. വ്യാഴാഴ്ച പുലര്‍ച്ചെയാണ് രണ്ടാം സെമി പോരാട്ടം.