ധരംശാല: ഇന്ത്യക്കെതിരായ ലോകകപ്പ് പോരാട്ടത്തില് ന്യൂസിലന്ഡിന്റെ ഡാരില് മിച്ചലിനു സെഞ്ച്വറി. താരം 100 പന്തില് ശതകം പിന്നിട്ടു. നിലവില് 109 റണ്സുമായി മിച്ചല് ക്രീസില്. ഏഴ് ഫോറും നാല് സിക്സും താരം തൂക്കി. ന്യൂസിലന്ഡ് 44 ഓവര് പിന്നിടുമ്പോള് 5 വിക്കറ്റ് നഷ്ടത്തില് 244 റണ്സെന്ന നിലയില്.
തുടക്കത്തില് രണ്ട് വിക്കറ്റുകള് നഷ്ടമായി പ്രതിരോധത്തിലായ ന്യൂസിലന്ഡിനെ മൂന്നാം വിക്കറ്റില് രചിന് രവീന്ദ്ര- ഡാരില് മിച്ചല് സഖ്യത്തിന്റെ കൂട്ടുകെട്ടാണ് രക്ഷപ്പെടുത്തിയത്. ഇരുവരും ചേര്ന്ന് സെഞ്ച്വറി കൂട്ടുയര്ത്തിയാണ് മടങ്ങിയത്.
രചിന് രവീന്ദ്രയെ പുറത്താക്കി മുഹമ്മദ് ഷമിയാണ് കൂട്ടുകെട്ട് പൊളിച്ച് ഇന്ത്യയെ മത്സരത്തിലേക്ക് മടക്കി കൊണ്ടു വന്നത്. നേരത്തെ വില് യങിനേയും ഷമി മടക്കിയിരുന്നു. മൂന്നാം വിക്കറ്റില് ഇരുവരും ചേര്ന്നു 159 റണ്സ് കൂട്ടുകെട്ടുയര്ത്തി.
രചിന് രവീന്ദ്രയ്ക്ക് പിന്നാലെ ക്രീസിലെത്തിയ ക്യാപ്റ്റന് ടോം ലാതത്തിനു അധികം ആയുസുണ്ടായില്ല. കുല്ദീപ് യാദവ് കിവി നായകനെ അഞ്ച് റണ്സില് പുറത്താക്കി.
മൂന്നാം വിക്കറ്റായി മടങ്ങിയ രചിന് രവീന്ദ്ര 75 റണ്സെടുത്തു. താരം ആറ് ഫോറും ഒരു സിക്സും പറത്തി.
23 റണ്സുമായി ഗ്ലെന് ഫിലിപ്സാണ് അഞ്ചാമനായി മടങ്ങിയത്. താരത്തെ കുല്ദീപാണ് പുറത്താക്കിയത്.
ടോസ് നേടി ഇന്ത്യ ബൗളിങ് തിരഞ്ഞെടുക്കുകയായിരുന്നു. ന്യൂസിലന്ഡിന് തുടക്കത്തില് തന്നെ രണ്ട് വിക്കറ്റുകള് നഷ്ടമായി. കിവി ഓപ്പണര് ഡെവോണ് കോണ്വെയാണ് ആദ്യം പുറത്തായത്. ഒന്പത് പന്തുകള് നേരിട്ട് സംപൂജ്യനായി കോണ്വെ മടങ്ങി. സിറാജിനാണ് വിക്കറ്റ്. പിന്നാലെ സഹ ഓപ്പണര് വില് യങ് 17 റണ്സുമായും മടങ്ങി. എറിഞ്ഞ ആദ്യ പന്തില് തന്നെ മുഹമ്മദ് ഷമി വിക്കറ്റ് വീഴ്ത്തി.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates