ലീ‍ഡ്സ്: ഇം​ഗ്ലണ്ടിനെതിരായ ആദ്യ ടെസ്റ്റിന്റെ രണ്ടാം ദിനത്തിൽ ഇം​ഗ്ലണ്ടിന്റെ വിക്കറ്റുകൾ വീഴ്ത്താൻ ഇന്ത്യൻ താരങ്ങൾ നന്നായി ബുദ്ധിമുട്ടിയിരുന്നു. വിക്കറ്റ് വീഴ്ത്താൻ സാധിക്കാതെ വന്നതോടെ ജസ്പ്രിത് ബുംറ ഡ്രസിങ് റൂമിലെത്തി ​ഗൗതം ​ഗംഭീറുമായി ചർച്ച നടത്തി. മുഹമ്മദ് സിറാജ്, പ്രസിദ്ധ് കൃഷ്ണ, ശാർദുൽ ഠാക്കൂർ എന്നിവരൊന്നും വിക്കറ്റ് വീഴ്ത്തിയിരുന്നില്ല. ഇതോടെയാണ് സൂപ്പർ പേസർ അസ്വസ്ഥനായി ​ഗംഭീറുമായി ചർച്ച നടത്തിയത്. രണ്ടാം ദിനത്തിൽ ഇം​ഗ്ലണ്ടിനു നഷ്ടമായത് 3 വിക്കറ്റുകളായിരുന്നു. മൂന്നും ബുംറയാണ് വീഴ്ത്തിയത്.

രണ്ടാം ദിനത്തിൽ തുടക്കത്തിൽ തന്നെ സാക് ക്രൗളിയെ വീഴ്ത്തി ഇന്ത്യ ഇം​ഗ്ലണ്ടിനെ ഞെട്ടിച്ചെങ്കിലും രണ്ടാം വിക്കറ്റിൽ ബെൻ ഡക്കറ്റും ഒലി പോപ്പും ചേർന്നു നിലയുറപ്പിച്ചതോടെ ഇന്ത്യൻ ബൗളർമാർക്ക് നിരാശയായിരുന്നു. ബുംറ ഒഴികെയുള്ള ബൗളർമാരെ സമർഥമായി നേരിടാൻ ഇം​ഗ്ലീഷ് ബാറ്റർമാർക്ക് സാധിച്ചു. രണ്ടാം ദിനം ഇം​ഗ്ലണ്ട് 3 വിക്കറ്റ് നഷ്ടത്തിൽ 209 റൺസെന്ന ശക്തമായ സ്കോറിലാണ് കളി അവസാനിപ്പിച്ചത്.

ബുംറയ്ക്ക് 5 വിക്കറ്റുകള്‍; ഇന്ത്യക്ക് നേരിയ ലീഡ്

ബുംറ ചർച്ച നടത്തുമ്പോൾ ശാർദുൽ ഠാക്കൂറാണ് ഇന്ത്യക്കായി പന്തെറിഞ്ഞത്. ​ഗംഭീറുമായി ചർച്ച നടത്തി ​ഗ്രൗണ്ടിൽ മടങ്ങിയെത്തിയ ബുംറ അടുത്ത ഓവർ എറിയാനെത്തി. ഈ ഓവറിൽ താരം ജോ റൂട്ടിനെ പുറത്താക്കുകയും ചെയ്തു. ബുംറയുടെ ഓഫ് സ്റ്റംപിൽ പിച്ച് ചെയ്തു പോയ പന്ത് റൂട്ട് എഡ്ജ് ചെയ്തു. പന്ത് നേരെ പോയത് മലയാളി താരം വരുൺ നായരുടെ കൈകളിലേക്ക്. തൊട്ടുപിന്നാലെ ഹാരി ബ്രൂക്കിനെ ബുംറ പുറത്താക്കിയിരുന്നു. എന്നാൽ ആ പന്ത് നോബോളായി ബ്രൂക്ക് രക്ഷപ്പെട്ടു.

'മറ്റുള്ളവര്‍ പിന്തുണ നല്‍കുന്നില്ല, ബുംറയുടെ ജോലി ഭാരത്തില്‍ ആശങ്ക'; വിമര്‍ശനവുമായി രവി ശാസ്ത്രി

England vs India- Jasprit Bumrah was seen having an animated conversation with head coach Gautam Gambhir following a poor show from other India bowlers on Day 2 of the first Test match.