ലണ്ടന്: ഇംഗ്ലണ്ട് പരമ്പരയ്ക്കുള്ള ഇന്ത്യന് ടീമിലെ ഒരു സ്റ്റാഫ് അംഗത്തിന് കൂടി കോവിഡ് സ്ഥിരീകരിച്ചു. വിക്കറ്റ് കീപ്പര് റിഷഭ് പന്തിന് കോവിഡ് സ്ഥിരീകരിച്ചതിന് പിന്നാലെയാണ് സ്റ്റാഫ് അംഗത്തിനും വൈറസ് ബാധ സ്ഥിരീകരിച്ചത്. സ്റ്റാഫ് അംഗവുമായി സമ്പര്ക്കം പുലര്ത്തിയ മൂന്ന് കോച്ചിങ് അസിസ്റ്റന്റുമാരും ഐസൊലേഷനിലാണ്. ഇന്നാരംഭിക്കുന്ന പരീശീലന മത്സരത്തില് നിന്ന് ഇവര് വിട്ടുനില്ക്കും.
കോവിഡ് പോസിറ്റീവായ പന്ത് ഹോം ക്വാറന്റൈനില് കഴിയുകയാണ്. തൊണ്ട വേദന അനുഭവപ്പെട്ടതിനെ തുടര്ന്ന് നടത്തിയ പരിശോധനയിലാണ് പന്തിന് കോവിഡ് സ്ഥിരീകരിച്ചത്. ഇംഗ്ലണ്ടിലുള്ള സുഹൃത്തിന്റെ വീട്ടില് നിരീക്ഷണത്തില് കഴിയുന്ന താരം പിന്നീട് ദര്ഹാമില് ടീമിനൊപ്പം ചേരും. ജൂലൈ 18ന് പന്തിനെ വീണ്ടും കോവിഡ് പരിശോധനക്ക് വിധേയനാക്കും.
ഓഗസ്റ്റ് നാല് മുതലാണ് ഇന്ത്യയും ഇംഗ്ലണ്ടും തമ്മിലുള്ള അഞ്ച് മത്സരങ്ങള് അടങ്ങിയ ടെസ്റ്റ് പരമ്പര ആരംഭിക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates