മ്യൂണിക്ക്: യൂറോ കപ്പ് ഗ്രൂപ്പ് സിയിലെ നിര്ണായകമായ ഡെന്മാര്ക്ക്-സെര്ബിയ മത്സരം ഗോള്രഹിത സമനിലയില്. മത്സരത്തില് അധിപത്യം ഡെന്മാര്ക്കിനായിരുന്നെങ്കിലും ഗോള് നേടാനായില്ല. സെര്ബിയന് ഗോള്മുഖത്ത് നിരവധി തവണ വെല്ലുവിളി ഉയര്ത്തിയെങ്കിലും ഒടുവില് സമനില സമ്മതിക്കേണ്ടിവന്നു.
ഇതോടെ സെര്ബിയ ടൂര്ണമെന്റില്നിന്ന് പുറത്താവുകയും ഡെന്മാര്ക്ക് ഗ്രൂപ്പില് രണ്ടാംസ്ഥാനക്കാരായി പ്രീക്വാര്ട്ടറിലേക്ക് പ്രവേശിച്ചു. പ്രീക്വാര്ട്ടര് ഉറപ്പിക്കാന് സെര്ബിയക്ക് ഡെന്മാര്ക്കിനെതിരേ ജയം അനിവാര്യമായിരുന്നു. മറുവശത്ത്, ഡെന്മാര്ക്കിന് തോല്ക്കാതിരുന്നാല് പ്രീക്വാര്ട്ടര് ഉറപ്പും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
16ാം മിനുട്ടില് ലീഡെടുക്കാനുള്ള അവസരം ഡെന്മാര്ക്കിന് ലഭിച്ചതാണ്. അലക്സാണ്ടര് ബാഹിന് ലഭിച്ച പാസില് നിന്ന് താരം തൊടുത്ത ഹെഡര് നേരിയ വ്യത്യാസത്തിലാണ് ഗോളാകാതെ പോയത്. 21ാം മിനുട്ടില് ക്രിസ്റ്റിയന് എറിക്സന് മുന്നില് സുവര്ണ്ണാവസരം. താരത്തിന്റെ ലോങ് റേഞ്ച് ഷോട്ട് സെര്ബിയന് ഗോളി തടുത്തു
ഡെന്മാര്ക്ക് ഡിഫന്ഡര് ജൊയാകിം ആന്ഡേഴ്സന്റെ പിഴവില് നിന്നു സെര്ബിയ ഒരു തവണ പന്ത് വലയിലെത്തിച്ചെങ്കിലും റഫറി ഓഫ്സൈഡ് വിധിച്ചു. രണ്ടാംപകുതിയില് രണ്ട് ടീമിന്റെയും പരിശീലകര് നിരവധി മാറ്റങ്ങള് വരുത്തിയെങ്കിലും ഗോള് അകന്നുനിന്നു. പ്രീക്വാര്ട്ടറില് ജര്മനിയായിരിക്കും ഡെന്മാര്ക്കിന്റെ എതിരാളി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates