ബെര്ലിന്: യൂറോ കപ്പ് ഗ്രൂപ്പ് ബിയില് അല്ബേനിയയെ 1- 0നു തോല്പിച്ച് സ്പെയിന്. 13ാം മിനിറ്റില് ഫെറാന് ടോറസ് നേടിയ ഗോളിലാണ് അല്ബേനിയയ്ക്കെതിരെ സ്പെയിനിന്റെ ജയം. ഇതോടെ 9 പോയിന്റുമായി സ്പെയിന് ഗ്രൂപ്പ് ജേതാക്കളായി. .
13-ാം മിനിറ്റില് ഫെറാന് ടോറസ് നേടിയ ഗോള്വഴിയാണ് സ്പെയിന് മുന്നിലെത്തിയത്. അല്ബേനിയന് ബോക്സിനകത്തേക്ക് ഡഡൊനി ഒല്മോ ഫെറാന് ടോറസിന് നല്കിയ പാസ് പ്രതിരോധപ്പിഴവ് മുതലെടത്ത് അളന്നുതൂക്കി വലയിലെത്തിച്ചു. ഒരു ഗോള് നേടിയതിന്റെ ആവേശത്തില് സ്പെയിന് ഉണര്ന്നു കളിച്ചെങ്കിലും തുടര്ന്ന് ഗോള് നേടാനായില്ല. ആദ്യപകുതിയില് ഗോള് അടിക്കാനുള്ള നിരവധി അവസരങ്ങള് സ്പെയിനിന് ലഭിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
വമ്പന്മാരായ സ്പെയിന് മുന്നില് കരുത്തുറ്റ പോരാട്ടമാണ് അല്ബേനിയ നടത്തിയത്. ഗോളടിക്കാന് അല്ബേനിയ കിണഞ്ഞുശ്രമിച്ചെങ്കിലും സ്പെയിനിന്റെ ഉറച്ച പ്രതിരോധത്തെ മറികടക്കാന് അവര്ക്ക് കഴിഞ്ഞില്ല. ഗ്രൂപ്പ് ഘട്ടത്തില് ഒരു കളിയിലും തോല്ക്കാതെയും ഒറ്റഗോള്പോലും വഴങ്ങാതെയുമാണ് സ്പെയിന് പ്രീക്വാര്ട്ടറിലെത്തുന്നത്. നാലു പോയിന്റുമായി ഇറ്റലിയാണ് രണ്ടാം സ്ഥാനത്ത്. രണ്ടു പോയിന്റ് മാത്രമുള്ള ക്രൊയേഷ്യയും ഒരു പോയിന്റ് മാത്രമുള്ള അല്ബേനിയയും പ്രീക്വാര്ട്ടര് കാണാതെ പുറത്തായി
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates