മോസ്‌ക്കോ: അക്കില്ലസ് പൂച്ച  പ്രവചിച്ചു. വിജയം നൈജീരിയക്കൊപ്പം. നിര്‍ണായക പോരാട്ടത്തിനായി അര്‍ജന്റീന ഇന്ന് നൈജീരിയക്കെതിരേ ഇറങ്ങുമ്പോള്‍ ഒന്നും അനുകൂലാവസ്ഥയിലല്ല. അതിന്റെ വേവലാതിയിലാണ് ലോകമെങ്ങുമുള്ള അര്‍ജന്റീന ആരാധകര്‍. ആ ചിന്തയിലേക്കാണ് എരിതീയില്‍ എണ്ണ പോലെ അക്കില്ലസിന്റെ പ്രവചനവും.  
നൈജീരിയയുടേയും അര്‍ജന്റീനയുടേയും പതാകകള്‍ ഉള്ള രണ്ട് തളികകളില്‍ ഭക്ഷണം വെച്ചപ്പോള്‍ നൈജീരിയയുടെ തളികയിലുള്ള ഭക്ഷണമാണ് അക്കില്ലസ് കഴിച്ചത്. പഴയ പോള്‍  നീരാളിയെപ്പോലെ ഈ  വെളുത്ത മാര്‍ജാരന്‍ അത്ര കൃത്യമായി മത്സര ഫലം പ്രവചിച്ചിട്ടില്ല എന്നത് ആരാധകര്‍ക്ക് ആശ്വാസം നല്‍കുന്നുണ്ട്. ഇത്തവണ അക്കില്ലസ് ഇതുവരെ കഴിഞ്ഞ മത്സരങ്ങളൊക്കെ പ്രവചിച്ചിട്ടുണ്ട്. പക്ഷേ അതില്‍ ചിലത് മാത്രമാണ് ഫലത്തിലെത്തിയത്.