മോസ്‌ക്കോ: മുന്‍ ലോക ചെസ് ചാംപ്യന്‍ ബൊറിസ് സ്പാസ്‌കി അന്തരിച്ചു. 88 വയസായിരുന്നു. മരണം സംബന്ധിച്ചു മറ്റു വിവരങ്ങളൊന്നും പുറത്തു വന്നിട്ടില്ല. അന്താരാഷ്ട്ര ചെസ് ഫെഡറേഷന്‍ അദ്ദേഹത്തിന്റെ മരണം സ്ഥിരീകരിച്ചിട്ടുണ്ട്.

1969 മുതല്‍ 1972 വരെ ലോക ചാംപ്യനായിരുന്നു അദ്ദേഹം. പത്താമത്തെ ലോക ചെസ് ചാംപ്യനായ സ്പാസ്‌കിയും അമേരിക്കന്‍ ചെസ് ഇതിഹാസം ബോബി ഫിഷറുമായുള്ള 1972ലെ പോരാട്ടം നൂറ്റാണ്ടിലെ ചെസ് മത്സരമായാണ് വിലയിരുത്തപ്പെടുന്നത്. അന്ന് സ്പാസ്‌കി പരാജയപ്പെട്ടിരുന്നു.

'ഒറ്റ വേദിയില്‍ കളിക്കുന്നത് ഇന്ത്യയ്ക്ക് അനുകൂലം; അതറിയാന്‍ റോക്കറ്റ് സയന്റിസ്റ്റ് ആകേണ്ട'

18ാം വയസില്‍ ഗ്രാന്‍ഡ് മാസ്റ്റര്‍ പദവി സ്വന്തമാക്കിയ അദ്ദേഹം 19ാം വയസില്‍ 1956ലാണ് പ്രൊഫഷണല്‍ പോരാട്ടത്തില്‍ അരങ്ങേറ്റം കുറിച്ചത്. സോവിയറ്റ് യൂണിയനെ 7 ചെസ് ഒളംപ്യാഡില്‍ പ്രതിനിധീകരിച്ച സ്പാസ്‌കി പിന്നീട് 3 തവണ ഫ്രാന്‍സിനായും ഒളിംപ്യാഡില്‍ കളിച്ചിട്ടുണ്ട്.