ഗാസിയാബാദ്: ഇന്ത്യന്‍ മുന്‍ ക്രിക്കറ്റ് താരം സുരേഷ് റെയ്‌നയുടെ പിതാവ് ത്രിലോക്ചന്ദ് റെയ്‌ന അന്തരിച്ചു. കാന്‍സര്‍ ബാധിതനായി ചികിത്സയിലായിരുന്നു. 

മിലിറ്ററി ഓഫീസറായിരുന്നു ത്രിലോക്ചന്ദ് റെയ്‌ന. ജമ്മുകശ്മീരിലെ റെയ്‌നാവാരിയാണ് അദ്ദേഹത്തിന്റെ നാട്. എന്നാല്‍ തൊണ്ണൂറുകളിലെ കശ്മീരി പണ്ഡിറ്റുകള്‍ക്ക് നേരെയുണ്ടായ ആക്രമണങ്ങളെ തുടര്‍ന്ന് ഉത്തര്‍പ്രദേശിലേക്ക് മാറി. 

10,000 രൂപ ആണ് റെയ്‌നയുടെ പിതാവിന് ശമ്പളം. ഇത് സുരേഷ് റെയ്‌നയ്ക്ക് മികച്ച കോച്ചിങ് ലഭ്യമാക്കാന്‍ ഉതകുന്നതായിരുന്നില്ല. കശ്മീരിലെ ദുരന്തങ്ങളെ കുറിച്ച് പിതാവിനോട് കുടുംബത്തിലെ ആരും സംസാരിക്കാതിരിക്കാന്‍ ശ്രദ്ധിച്ചിരുന്നതായി റെയ്‌ന പറഞ്ഞിട്ടുണ്ട്.