ന്യൂയോര്‍ക്ക്: മുന്‍ ഇന്ത്യന്‍ ഓള്‍ റൗണ്ടര്‍ യുവരാജ് സിങ്ങിനെ ന്യൂയോര്‍ക്ക് സൂപ്പര്‍സ്റ്റാര്‍ സ്‌ട്രൈക്കേഴ്‌സ് ക്യാപ്റ്റനായി പ്രഖ്യാപിച്ചു. വരാനിരിക്കുന്ന ലെജന്‍ഡ് ക്രിക്കറ്റ് ട്രോഫി സീസണ്‍ ടുവിന് മുന്നോടിയായാണ് പ്രഖ്യാപനം.
യുവരാജ് സിങ് നയിക്കുന്ന ന്യൂയോര്‍ക്ക് സൂപ്പര്‍സ്റ്റാര്‍ സ്‌ട്രൈക്കേഴ്‌സില്‍ റാഷിദ് ഖാന്‍, ബാബര്‍ അസം, കീറോണ്‍ പൊള്ളാര്‍ഡ്, നസീം ഷാ, പതിരണ, ആസിഫ് അലി, മുഹമ്മദ് അമീര്‍ അടക്കമുള്ള താരങ്ങളെയാണ് ടീമില്‍ ഉള്‍പ്പെടുത്തിയിരിക്കുന്നത്. യുവരാജിന്റെ വരവ് ടീമിന് കരുത്തുപകരുമെന്ന് ന്യൂയോര്‍ക്ക് സൂപ്പര്‍സ്റ്റാര്‍ സ്‌ട്രൈക്കേഴ്‌സ് പ്രത്യാശ പ്രകടിപ്പിച്ചു. അദ്ദേഹത്തിന്റെ അനുഭവസമ്പത്ത്, വൈദഗ്ധ്യം, നേതൃപാടവം എന്നിവ ടീമിന് മുതല്‍ക്കൂട്ടാകുമെന്നും ഫ്രാഞ്ചൈസി അറിയിച്ചു.
90 പന്ത് ഫോര്‍മാറ്റിലാണ് മത്സരം. മാര്‍ച്ച് ഏഴുമുതല്‍ 18 വരെ ശ്രീലങ്കയിലെ കാന്‍ഡിയിലാണ് മത്സരങ്ങള്‍. ആദ്യ സീസണ്‍ 20 ഓവര്‍ ആയിരുന്നു. ഇന്ത്യയിലെ ഗാസിയാബാദിലായിരുന്നു മത്സരങ്ങള്‍ സംഘടിപ്പിച്ചത്. ആദ്യ സീസണില്‍ ഇന്‍ഡോര്‍ നൈറ്റ്‌സിനെയും ഗുവാഹത്തി അവഞ്ചേഴ്‌സിനെയും സംയുക്ത വിജയികളായി പ്രഖ്യാപിക്കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates