ലാഹോര്: 2021ലെ ട്വന്റി20 ലോകകപ്പ് ഇന്ത്യയില് നിന്ന് യുഎഇയിലേക്ക് മാറ്റണം എന്ന് പാകിസ്ഥാന്. ഇന്ത്യയിലെ കോവിഡ് വ്യാപനത്തിന്റെ സാഹചര്യത്തില് ടൂര്ണമെന്റ് നടത്താനാവുമോ എന്നത് സംബന്ധിച്ച് ഇപ്പോഴും അനിശ്ചിതത്വം നിലനില്ക്കുന്നതായി പാക് ക്രിക്കറ്റ് ബോര്ഡ് സിഇഒ വസീം ഖാന് പറഞ്ഞു.
ടി20 ലോകകപ്പിന് മുന്പ് ഇന്ത്യയിലേക്ക് ഇംഗ്ലണ്ട് വരുന്നുണ്ട്. ഐപിഎല്ലും ഇന്ത്യയില് വെച്ച് നടത്താമെന്നാണ് ബിസിസിഐയുടെ കണക്കു കൂട്ടല്. എന്നാല് ഏപ്രിലോടെ മാത്രമേ ഇക്കാര്യത്തില് വ്യക്തത വരികയുള്ളെന്ന് വസാം ഖാന് പറഞ്ഞു.
2021 ടി20 ലോകകപ്പിന് ഇന്ത്യ വേദിയാവുമ്പോള് 2021ലെ ടി20 ലോകകപ്പ് ഓസ്ട്രേലിയയില് നടക്കും. 2020ല് നടക്കേണ്ടിയിരുന്ന ലോകകപ്പായിരുന്നു ഇത്. 2023ലെ ഏകദിന ലോകകപ്പിന്റെ വേദിയും ഇന്ത്യയാണ്. 2021ല് ടി20 ലോകകപ്പിന് ഇന്ത്യ വേദിയാവുകയാണ് എങ്കില് പാക് കളിക്കാര്ക്ക് വിസ ലഭിക്കുന്നത് ഉറപ്പാക്കണം എന്ന് ആവശ്യപ്പെട്ട് ഐസിസിയെ സമീപിച്ചതായും വസീം ഖാന് പറഞ്ഞു.
അടുത്ത വര്ഷത്തെ ഏഷ്യാ കപ്പിന് ആതിഥേയത്വം വഹിക്കുക ശ്രീലങ്കയാണ്. 2022ല് പാകിസ്ഥാന് ആയിരിക്കും ഏഷ്യാ കപ്പിന്റെ വേദി. ലോക ഇവന്റുകളില് എല്ലാ രാജ്യങ്ങളും പങ്കെടുക്കുന്നുണ്ട് എന്ന് ഉറപ്പാക്കാനുള്ള ഉത്തരവാദിത്വം ഐസിസിക്കാണെന്നും പാക് ക്രിക്കറ്റ് ബോര്ഡ് സിഇഒ പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates