"എന്റെ അമ്മിയോടും മാതൃരാജ്യത്തോടും ഞാന്‍ തന്ന വാക്കുപോലെ, ഇതാ എന്റെ സമ്മാനം", കോമണ്‍വെല്‍ത്ത് ഗെയിംസില്‍ 50 കിലോഗ്രാമിന്റെ ഫ്‌ളൈവെയ്റ്റ് വിഭാഗത്തില്‍ സ്വര്‍ണം നേടിയ നിഖാത് സരിന്റെ വാക്കുകളാണിത്. വനിതകളുടെ ലൈറ്റ്‌ ഫ്ളൈവെയ്റ്റ് ഫൈനലിൽ (48-50 കിലോ വിഭാഗത്തില്‍) വടക്കന്‍ അയര്‍ലന്‍ഡിന്റെ കാര്‍ലി എംസി നൗളിനെയാണ് നിഖാത് പരാജയപ്പെടുത്തിയത്. 

ആദ്യ റൗണ്ട് നേടിയ താരം രണ്ടാം റൗണ്ട് 5-0ത്തിനാണ് സ്വന്തമാക്കിയത്. മൂന്നാം റൗണ്ടിലും ജയിച്ചാണ് നിഖാത് സ്വര്‍ണ്ണം നേടിയത്. ഒടുവിൽ, ഇതാ എന്റെ അമ്മിക്കും മാതൃരാജ്യത്തിനും വാഗ്ദാനം ചെയ്ത എന്റെ സമ്മാനം. ബർമിംഗ്ഹാമിൽ നടന്ന സന്തോഷം നിറഞ്ഞ കോമൺവെൽത്ത് ​ഗെയിംസിന് ശേഷം സ്വർണം നേടിയതിന്റെ ആവേശം. നിങ്ങളുടെ പിന്തുണയും സ്നേഹവും എന്നെ നയിക്കുന്നു, നിഖാത് കുറിച്ചു. 

ഈ വാര്‍ത്ത കൂടി വായിക്കാം ലക്ഷ്യം കണ്ട് ലക്ഷ്യ; പുരുഷ ബാഡ്മിന്റണിലും സ്വര്‍ണം 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ