രോഹിത് ശര്‍മ/ ഫയല്‍ ഫോട്ടോ 
Sports

ബാറ്റെടുത്ത് ഹിറ്റ്മാന്‍, ഫീല്‍ഡിങ്ങിലും പരിശീലനം; രഹാനെയും കൂട്ടരും വിശ്രമത്തില്‍

പരമ്പരയിലെ മൂന്നാം ടെസ്റ്റിന് മുന്‍പായി രണ്ട് ദിവസത്തെ വിശ്രമത്തിലാണ് ഇന്ത്യന്‍ ടീം

Author : സമകാലിക മലയാളം ഡെസ്ക്

സിഡ്‌നി: പരമ്പരയിലെ മൂന്നാം ടെസ്റ്റിന് മുന്‍പായി രണ്ട് ദിവസത്തെ വിശ്രമത്തിലാണ് ഇന്ത്യന്‍ ടീം. എന്നാല്‍ ക്വാറന്റൈന്‍ കഴിഞ്ഞെത്തിയ സ്റ്റാര്‍ ബാറ്റ്‌സ്മാന്‍ രോഹിത് ശര്‍മ പരിശീലനം ആരംഭിച്ചു. 

ഫീല്‍ഡിങ്ങിലും ബാറ്റിങ്ങിലും രോഹിത് പരിശീലനം നടത്തി. ബാറ്റിങ് പരിശീലകന്‍ വിക്രം റാത്തോഡിന് കീഴിലാണ് രോഹിത് നെറ്റ്‌സില്‍ പരിശീലനം ആരംഭിച്ചത്. ഇന്ത്യയില്‍ നിന്ന് സിഡ്‌നിയില്‍ എത്തിയെങ്കിലും 14 ദിവസത്തെ ക്വാറന്റൈനിലായിരുന്നു രോഹിത് ഇതുവരെ. 

മെല്‍ബണില്‍ ഫീല്‍ഡിങ് പരിശീലനം നടത്തുന്ന രോഹിത്തിന്റെ ചിത്രങ്ങളാണ് ഇന്ത്യന്‍ ക്രിക്കറ്റ് ടീമിന്റെ സമൂഹമാധ്യമങ്ങളിലെ അക്കൗണ്ട് വഴി പങ്കുവെക്കുന്നത്. നെറ്റ്‌സില്‍ ബാറ്റിങ് കോച്ചിനും, ത്രോഡൗണ്‍ സ്‌പെഷ്യലിസ്റ്റിനും കീഴിലാവും രോഹിത്തിന്റെ പരിശീലനം എന്ന് സ്‌പോര്‍ട്‌സ് ജേണലിസ്റ്റ് ബോറിയ മജുംദാര്‍ ട്വീറ്റ് ചെയ്തു. 

ജനുവരി ഏഴിനാണ് പരമ്പരയിലെ മൂന്നാം ടെസ്റ്റ്. രണ്ടാം ടെസ്റ്റ് കഴിഞ്ഞെങ്കിലും സിഡ്‌നിയിലെ കോവിഡ് വ്യാപനത്തെ തുടര്‍ന്ന് മെല്‍ബണില്‍ തന്നെ തുടരുകയാണ് ഇരു ടീമും. ജനുവരി നാലിന് മാത്രമേ ടീമുകള്‍ സിഡ്‌നിയിലേക്ക് എത്തുകയുള്ളു. ഡിസംബര്‍ 31ന് ലിഡ്‌നിയില്‍ എത്താനാണ് നേരത്തെ നിശ്ചയിച്ചിരുന്നത്.
 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

543 സീറ്റുകള്‍ മതിയോ, 850 ആക്കണോ? മണ്ഡല പുനര്‍നിര്‍ണയത്തിന് ബിജെപിയുടെ 'ത്രിദിന പദ്ധതി', നാല് ആവശ്യങ്ങളുമായി പ്രതിപക്ഷം

ഇടുക്കിയില്‍ പുരയിടത്തില്‍ നവജാത ശിശുവിന്റെ മൃതദേഹം; മൂന്ന് ദിവസം പ്രായമുള്ള ആണ്‍കുഞ്ഞ്

'നേപ്പാളുമായുള്ള സൗഹൃദത്തെ ഇന്ത്യ വില മതിക്കുന്നു'; കേന്ദ്രമന്ത്രി ജയ്ശങ്കറുമായി കൂടിക്കാഴ്ച നടത്തി ബാലേന്ദ്ര ഷാ

ഗോവന്‍ ചലച്ചിത്ര മേളയില്‍ 'രാമായണ' പ്രദര്‍ശിപ്പിക്കും; ബ്രിക്‌സ് വിഭാഗത്തില്‍ ഉദ്ഘാടന ചിത്രം

മകളുടെ മുന്നിലിട്ട് ഭാര്യയെ വെട്ടിക്കൊലപ്പെടുത്തി; ഭർത്താവ് തൂങ്ങിമരിച്ചു