കൊല്‍ക്കത്ത: പാകിസ്ഥാന്റെ ലോകകപ്പ് സെമി സാധ്യതകള്‍ ഏതാണ്ട് അവസാനിച്ച നിലയാണ്. നാളെ നടക്കുന്ന ഇംഗ്ലണ്ടിനെതിരായ പോരാട്ടത്തില്‍ അവര്‍ ഏറെക്കുറെ അസാധ്യമായ നിലയില്‍ വിജയം സ്വന്തമാക്കണം എന്നാല്‍ മാത്രം സെമി ഉറപ്പിക്കാം. ന്യൂസിലന്‍ഡ് ശ്രീലങ്കയെ മികച്ച നെറ്റ് റണ്‍ റേറ്റില്‍ പരാജയപ്പെടുത്തിയതോടെയാണ് ബാബറിനും സംഘത്തിനും മുന്നില്‍ വഴികള്‍ അടഞ്ഞത്. 

പാകിസ്ഥാനെ ട്രോളി രംഗത്തെത്തിയിരിക്കുകയാണ് മുന്‍ ഇന്ത്യന്‍ ഓപ്പണറും ഇതിഹാസ താരവുമായ വീരേന്ദര്‍ സെവാഗ്. ഇന്ത്യയുടെ ആതിഥ്യ മര്യാദ നിങ്ങള്‍ ശരിക്കും ആസ്വദിച്ചില്ലേയെന്നും സുരക്ഷിതമായി നാട്ടിലേക്ക് മടങ്ങാന്‍ ആശംസിക്കുന്നതായും സെവാഗ് കുറിച്ചു. 

'പാകിസ്ഥാന്‍ സിന്ദാബാദ്! ബിരിയാണിയും ആതിഥ്യ മര്യാദയും നിങ്ങള്‍ ശരിക്കും ആസ്വദിച്ചുവെന്നു കരുതട്ടെ. സുരക്ഷിതമായി നിങ്ങള്‍ നാട്ടിലേക്ക് മടങ്ങുക. ഗുഡ്‌ബൈ പാകിസ്ഥാന്‍'- താരം സാമൂഹിക മാധ്യങ്ങളില്‍ കുറിച്ചു.

ഈ വാർത്ത കൂടി വായിക്കൂ 

ആ സുവര്‍ണ ദിനങ്ങള്‍ ഇനിയുണ്ടാകുമോയെന്ന് സംശയിച്ചു, വിരാട് കോഹ്‌ലി ക്രിക്കറ്റിന്റെ അഭിമാനമെന്ന് വിവിയന്‍ റിച്ചാര്‍ഡ്‌സ്

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ