ടോക്യോ: ഇടിക്കൂട്ടില് ഇന്ത്യക്ക് മെഡല് പ്രതീക്ഷ. ബോക്സര് ലൗവ്ലിന ബോര്ഗോഹെയിന് ഒരു ജയം കൂടി നേടാന് കഴിഞ്ഞാല് മെഡല് ഉറപ്പിക്കാം. ജപ്പാന്റെ പരിചയസമ്പന്നയായ പുഗിലിസ്റ്റ് നദൈനിനെ മറികടന്ന് ലൗവ്ലിന ക്വാര്ട്ടര് ഫൈനലില് കടന്നു.
64-69 കിലോ വിഭാഗത്തിലാണ് ലൗവ്ലിന ക്വാര്ട്ടറില് കടന്നത്. ക്വാര്ട്ടറില് ജയിച്ച് സെമിയില് എത്തിയാല് വെങ്കല മെഡല് ഇന്ത്യക്ക് ഉറപ്പിക്കാം. അസാമില് നിന്നുള്ള ആദ്യ വനിതാ ബോക്സറാണ് 23കാരിയായ ലൗവ്ലിന.
ലൗവ്ലിനയുടെ ആദ്യ ഒളിംപിക്സ് ആണ് ഇത്. ബോക്സില് ഇന്ത്യയുടെ ഒന്പത് അംഗ സംഘത്തില് ടോക്യോയില് ക്വാര്ട്ടര് ഫൈനല് ഉറപ്പിക്കുന്ന ആദ്യ താരമാണ് ലൗവ്ലിന. രണ്ട് വട്ടം ലോക, ഏഷ്യന് ചാമ്പ്യന്ഷിപ്പുകളില് ബോക്സിങ്ങില് ലൗവ്ലിന വെങ്കലം നേടിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates