ലണ്ടന്: ഓവല് ടെസ്റ്റില് ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഇന്ത്യക്ക് ആദ്യ വിക്കറ്റ് നഷ്ടം. 11 റണ്സ് എടുത്ത രോഹിത് ശര്മയുടെ വിക്കറ്റാണ് തുടക്കത്തില് തന്നെ ഇന്ത്യക്ക് നഷ്ടമായത്.
വോക്സിന്റെ ഡെലിവറിയില് ഔട്ട്സൈഡ് എഡ്ജ് ആയി പന്ത് വിക്കറ്റ് കീപ്പറുടെ കൈകളിലേക്ക് എത്തുകയായിരുന്നു. ഓവലില് മൂടിക്കെട്ടിയ അന്തരീക്ഷത്തില് ആദ്യ ദിനം പേസര്മാര്ക്ക് പിന്തുണ ലഭിക്കുമെന്നാണ് വിലയിരുത്തപ്പെടുന്നത്.
ഹെഡിങ്ലേയില് 78 റണ്സിനാണ് ഒന്നാം ഇന്നിങ്സില് ഇന്ത്യ ഓള്ഔട്ട് ആയത്. ഹെഡിങ്ലേയില് ടോസ് നേടി ബാറ്റിങ് തെരഞ്ഞെടുത്തതിന് ശേഷമായിരുന്നു ഇന്ത്യയുടെ തകര്ച്ച. ഓവലില് ആദ്യ ദിനത്തിലെ ആദ്യ മണിക്കൂറുകള് അതിജീവിക്കാന് കഴിഞ്ഞില്ലെങ്കില് പരമ്പരയില് ലീഡ് പിടിക്കാനുള്ള ഇന്ത്യയുടെ ശ്രമങ്ങള്ക്ക് തിരിച്ചടിയാവും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates