കൊളംബോ: മൂന്ന് ഏകദിനങ്ങളുടെ പരമ്പര ശ്രീലങ്കക്കെതിരെ ഇന്ത്യ 2-1ന് സ്വന്തമാക്കിയതോടെ ഐസിസി ക്രിക്കറ്റ് ലോകകപ്പ് സൂപ്പര്‍ ലീഗ് പോയിന്റ് ടേബിളിലും മാറ്റം. ലങ്കക്കെതിരായ പരമ്പര ജയത്തോടെ ഇന്ത്യ നാലാം സ്ഥാനത്തേക്ക് കയറി. 

9 കളിയില്‍ നിന്ന് 49 പോയിന്റാണ് ഇന്ത്യക്ക് ഇപ്പോഴുള്ളത്. അഞ്ച് കളിയില്‍ ജയിച്ചപ്പോള്‍ നാലെണ്ണത്തില്‍ തോറ്റു. ഏകദിന സൂപ്പര്‍ ലീഗിലെ തങ്ങളുടെ രണ്ടാമത്തെ മാത്രം ജയത്തിലേക്കാണ് ശ്രീലങ്ക എത്തിയത്. 

12 കളിയില്‍ നിന്ന് ശ്രീലങ്കയ്ക്കുള്ളത് 22 പോയിന്റ്. 11ാം സ്ഥാനത്താണ് ശ്രീലങ്ക. 15 കളിയില്‍ നിന്ന് 95 പോയിന്റോടെ ഇംഗ്ലണ്ട് ആണ് പട്ടികയില്‍ ഒന്നാമത്. പാകിസ്ഥാനെ അടുത്തിടെ അവര്‍ 3-0ന് തോല്‍പ്പിച്ചിരുന്നു. 

നിലവില്‍ ബംഗ്ലാദേശ് ആണ് രണ്ടാം സ്ഥാനത്ത്. 12 കളിയില്‍ നിന്ന് എട്ട് ജയത്തോടെ 80 പോയിന്റാണ് ബംഗ്ലാദേശിനുള്ളത്. മൂന്നാമത് ഓസ്‌ട്രേലിയ. ഏഴ് കളിയില്‍ അഞ്ചിലും ജയിച്ച് 50 പോയിന്റാണ് ഓസ്‌ട്രേലിയക്കുള്ളത്.