ന്യൂഡൽഹി: പ​ഹൽ​ഗാം ഭീകരാക്രമണത്തിന്റെ പശ്ചാത്തലത്തിൽ ഇന്ത്യ പാകിസ്ഥാനു കനത്ത തിരിച്ചടി നൽകിയിരുന്നു. നിലവിൽ ഇന്ത്യ- പാക് സംഘർഷാവസ്ഥ നിലനിൽക്കുന്നു. പാകിസ്ഥാനെതിരെ കടുത്ത വിമർശനവുമായി മുൻ ഇന്ത്യൻ ഓപ്പണറും ഇതിഹാസവുമായ വീരേന്ദർ സെവാ​ഗ് അതിനിടെ രം​ഗത്തെത്തി. താരം ഇന്ത്യൻ സൈന്യത്തെ പുകഴ്ത്തി. ഭീകരവാദികൾക്കു സഹായം നൽകുന്ന പകിസ്ഥാനാണ് യുദ്ധമെന്ന തീരുമാനം എടുത്തതെന്നു സെവാ​ഗ് പറയുന്നു.

'അടങ്ങിയിരുന്നു പ്രശ്നം പരിഹരിക്കാനുള്ള അവസരം പാകിസ്ഥാനു മുന്നിലുണ്ടായിരുന്നു. എന്നിട്ടും അവർ യുദ്ധം മതിയെന്നു തീരുമാനിച്ചു. ഭീകരവാദവുമായി ചേർത്തു അവർക്കുള്ള സമ്പാദ്യം സം​രക്ഷിക്കാനാണ് ഈ സംഘർഷം യുദ്ധത്തിലേക്ക് നീങ്ങട്ടെ എന്നു പാകിസ്ഥാൻ ചിന്തിച്ചത്. അതിൽത്തന്നെ പാകിസ്ഥാനെക്കുറിച്ച് എല്ലാമുണ്ട്. എറ്റവും അനുയോജ്യമായ രീതിയിൽ ഞങ്ങളുടെ സൈന്യം തിരിച്ചടിച്ചിരിക്കും. അതിന്റെ കരുത്ത് താങ്ങാൻ പാകിസ്ഥാന് കഴിയില്ല'- സെവാ​ഗ് കുറിച്ചു.

പിഎസ്എല്ലുമായി ഇങ്ങോട്ടു വരേണ്ടെന്ന് യുഎഇ; നാണംകെട്ട് പാക് ക്രിക്കറ്റ് ബോർഡ്

മുൻ ഓപ്പണർ ശിഖർ ധവാനും സൈന്യത്തിനു പിന്തുണയുമായി രം​ഗത്തെത്തി. കരുത്തോടെ നമ്മെ കാക്കുന്ന ധീര സൈനികരോട് അങ്ങയറ്റത്തെ ബഹുമാനമെന്നായിരുന്നു താരത്തിന്റെ പ്രതികരണം.