ന്യൂഡല്ഹി: ബംഗ്ലാദേശിനെതിരായ ടെസ്റ്റ് പരമ്പര തൂത്തുവാരിയതോടെ ലോക ടെസ്റ്റ് ചാമ്പ്യന്ഷിപ്പ് ഫൈനല് സാധ്യതകള് സജീവമാക്കി ഇന്ത്യ. ജയത്തോടെ ഇന്ത്യ ലോക ടെസ്റ്റ് ചാമ്പ്യന്ഷിപ്പ് പോയിന്റ് പട്ടികയില് രണ്ടാം സ്ഥാനം നിലനിര്ത്തി.
ബംഗ്ലാദേശിന് എതിരായ ജയത്തോടെ ഇന്ത്യയുടെ പോയിന്റ് ശതമാനം 58.92 ആയി. 55.76 ആണ് മൂന്നാമത് നില്ക്കുന്ന സൗത്ത് ആഫ്രിക്കയുടെ പോയിന്റ് ശതമാനം. ശ്രീലങ്കയാണ് നാലാമത്. 54.55 ആണ് ശ്രീലങ്കയുടെ പോയിന്റ് ശതമാനം.
ഒന്നാമത് നില്ക്കുന്ന ഓസ്ട്രേലിയയുടെ പോയിന്റ് ശതമാനം 76.92 ആണ്. ഇനി വരുന്ന ഓസ്ട്രേലിയ-സൗത്ത് ആഫ്രിക്ക ടെസ്റ്റ് പരമ്പരയിലെ ഫലമാവും ഇന്ത്യക്ക് നിര്ണായകമാവുക. ഓസ്ട്രേിയക്കെതിരെ ഇന്ത്യ നാല് ടെസ്റ്റ് മത്സരങ്ങളുടെ പരമ്പരയും കളിക്കുന്നുണ്ട്.
ഓസ്ട്രേലിയയെ ഇന്ത്യ 4-0ന് തോല്പ്പിച്ചാല് ഇന്ത്യ ഫൈനലിലേക്ക് കടക്കും
ഫെബ്രുവരിയിലാണ് ഇന്ത്യ-ഓസ്ട്രേലിയ ടെസ്റ്റ് പരമ്പര. ലോക ടെസ്റ്റ് ചാമ്പ്യന്ഷിപ്പില് രണ്ടാം സ്ഥാനക്കാരായി ഫൈനലില് എത്തണം എങ്കില് ഇന്ത്യക്കും സൗത്ത് ആഫ്രിക്കയ്ക്കും മൂന്ന് ജയം കൂടി വേണം. നാല് ടെസ്റ്റുകളുടെ പരമ്പരയില് ഓസ്ട്രേലിയയെ ഇന്ത്യ 4-0ന് തോല്പ്പിച്ചാല് ഇന്ത്യ ഫൈനലിലേക്ക് കടക്കും. സൗത്ത് ആഫ്രിക്ക പുറത്താവും.
3-0നാണ് ഓസ്ട്രേലിയയെ ഇന്ത്യ തോല്പ്പിക്കുന്നത് എങ്കില് 4-0ന് ഓസ്ട്രേലിയയെ തോല്പ്പിക്കാന് സൗത്ത് ആഫ്രിക്കയ്ക്ക് കഴിഞ്ഞാല് അവര് ലോക ടെസ്റ്റ് ചാമ്പ്യന്ഷിപ്പ് ഫൈനലിലേക്ക് എത്തും. ഓസ്ട്രേലിയയെ ഇന്ത്യ 3-1നാണ് തോല്പ്പിക്കുന്നത് എങ്കില് 4-0ന് ഓസ്ട്രേലിയയെ തോല്പ്പിച്ചാല് സൗത്ത് ആഫ്രിക്കയ്ക്ക് ഫൈനല് കളിക്കാം.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates