മുംബൈ: ഇന്ത്യന്‍ ക്രിക്കറ്റ് ടീം ദക്ഷിണാഫ്രിക്കയിലേക്ക് പര്യടനം നടത്തും. ടി20 പരമ്പര കളിക്കാനായാണ് ടീം യാത്ര പോകുന്നത്. നവംബറിലാണ് ഇന്ത്യ- ദക്ഷിണാഫ്രിക്ക പോരാട്ടം.

നാല് മത്സരങ്ങളാണ് ടി20 പരമ്പരയില്‍. പര്യടനം സംബന്ധിച്ചു ദക്ഷിണാഫ്രിക്കന്‍ ക്രിക്കറ്റ് സ്ഥിരീകരണം നടത്തി.

നവംബര്‍ എട്ട് മുതല്‍ 15 വരെയാണ് പോരാട്ടങ്ങള്‍. നവംബര്‍ എട്ടിന് ഡര്‍ബനിലാണ് ആദ്യ പോരാട്ടം. രണ്ടാം പോരാട്ടം പത്തിന് മെബേഹ (പഴയ പോര്‍ട്ട് എലിസബത്ത്)യില്‍ നടക്കും. നവംബര്‍ 13നു സൂപ്പര്‍ സ്‌പോര്‍ട് പാര്‍ക്കിലാണ് മൂന്നാം മത്സരം. നാലാം പോരാട്ടം വാണ്ടറേഴ്‌സ് സ്‌റ്റേഡിയത്തിലും അരങ്ങേറും.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

മൂന്ന് ടീമുകള്‍ക്കെതിരായ ടെസ്റ്റ്, ഏകദിന, ടി20 പരമ്പരകള്‍ ഇന്ത്യ നാട്ടില്‍ കളിക്കുന്നുണ്ട്. ബംഗ്ലാദേശ്, ന്യൂസിലന്‍ഡ്, ഇംഗ്ലണ്ട് ടീമുകള്‍ക്കെതിരായാണ് പോരാട്ടം.

നവംബറില്‍ കിവികള്‍ക്കെതിരായ ടെസ്റ്റ് പരമ്പര നടക്കുന്നതിനിടെയായിരിക്കും ദക്ഷിണാഫ്രിക്കയിലേക്കുള്ള പര്യടനം. ടി20 പരമ്പര മാത്രമായതിനാല്‍ സഞ്ജു അടക്കമുള്ള താരങ്ങള്‍ക്ക് കളിക്കാന്‍ അവസരം കിട്ടിയേക്കും.